હોળી પર્વની ધામધૂમથી ઉજવણી કરવામાં આવી રહી છે. દેશભરથી ઉજવણીના દ્રશ્યો સામે આવ્યા છે. સેલિબ્રેટીઓ પણ ધૂળેટીની ઉજવણી કરતા નજરે પડ્યા છે. પોતાના સોશિયલ મીડિયા પર પર્વના ઉજવણીના ફોટો શેર કરી રહ્યા છે. સોહા અલી ખાન તેમજ શિલ્પા શેટ્ટીએ ધૂળેટીની ઉજવણી ખાસ રીતના કરી હતી. સોશિયલ મીડિયા પર વીડિયો વાયરલ થઈ રહ્યા છે.

સોહા અલી ખાને પરિવાર સાથે કરી ઉજવણી 

પોતાના સોશિયલ મીડિયા પર સોહા અલી ખાને વીડિયો શેર કર્યો છે જેમાં પોતાના પરિવાર સાથે હોળીની ઉજવણી કરતા દેખાયા હતા. 5 વર્ષની દીકરી અને પોતાના પતિ સાથે તહેવાર મનાવ્યો હતો.વીડિયોમાં સોહા પોતાની 5 વર્ષની દીકરી અને પતિ કુણાલ ખેમુ સાથે હોળી રમતા દેખાઈ હતી.

ફૂલોથી શિલ્પા શેટ્ટીએ રમી હોળી

શિલ્પા શેટ્ટીએ પણ પોતાના અલગ અને ખાસ અંદાજમાં હોળીની ઉજવણી કરી હતી. સોશિયલ મીડિયા પર વીડિયો શેર કર્યો હતો જેમાં તે ફૂલોથી હોળી રમતા દેખાઈ રહ્યા છે. આ સાથે જ હોળી ખેલે ગીત પર ડાન્સ પણ કર્યો હતો. મસ્તીનો વીડિયો શેર કરતા કેપ્શન લખ્યું કે રંગોના આ તહેવાર હોળી તમારા જીવનમાં ખુશીઓ અને સફળતાના રંગો લાવે, હેપી હોલી. ગઈકાલે કરીના કપૂર તેમજ કરિશ્મા કપૂરની હોળીની ઉજવણીનો વીડિયો સામે આવ્યો હતો. તે ઉપરાંત અનેક સેલિબ્રિટિના ફોટા સામે આવ્યા હતા.