.jpg "The News Reporter")
છેલ્લા ઘણા સમયથી ફ્લાઈટથી કિસ્સાઓ સામે અવારનવાર આવી રહ્યા છે. થોડા સમય પહેલા ફ્લાઈટમાં મહિલા પેસેન્જર પર પેશાબ કરવાની ઘટના સામે આવી હતી. ત્યારે આજે ફરી એક વખત ફ્લાઈટથી ન્યુઝ સામે આવી છે જેમાં એક પેસેન્જરે સિગરેટ સળગાવી હતી. ફ્લાઈટમાં સિગરેટ પીવાની કોઈ સુવિધા નથી હોતી. એટલે જ્યારે પેસેન્જરે સિગરેટને સળગાવી ત્યારે ફાયર એલાર્મ વાગ્યું હતું. જેને લઈ ફ્લાઈટમાં હોબાળો થયો હતો. આ સમગ્ર ઘટના ઈન્ડિગો ફ્લાઈટમાં બની હતી.
ફ્લાઈટમાં પેસેન્જરે સળગાવી દીધી સિગરેટ
ફરી એક વખત ઈન્ડિગો ફ્લાઈટ ચર્ચામાં આવી છે. મુંબઈથી ગોરખપુર જઈ રહેલી ફ્લાઈટમાં એક પેસેન્જરે હોબાળો કર્યો હતો. ફ્લાઈટમાં સ્મોકિંગ કરવાની મનાઈ હોય છે. પરંતુ આ પેસેન્જરે ટોઈલેટમાં જઈ સિગરેટ સળગાવી દીધી. જેને કારણે ફાયર એલાર્મ વાગ્યું. ફાયર એલાર્મ વાગતા ક્રૂ મેમ્બર અને પેસેન્જરો એલર્ટ થઈ ગયા હતા.
પેસેન્જર વિરૂદ્ધ કરવામાં આવી કાર્યવાહી
ફાયર એલાર્મ વાગતા ઉડતી ફ્લાઈટમાં ચેકિંગ કરવામાં આવ્યું હતું. તપાસ દરમિયાન ખબર પડી કે એક પેસેન્જર ટોઈલેટમાં બેસી સિગરેટ પી રહ્યો હતો. તરત જ સિગરેટને બુઝાવી દેવામાં આવી હતી. ફ્લાઈટ લેન્ડ થતા જ પેસેન્જરને પકડીને પોલીસના હવાલે કરી દીધો હતો. પેસેન્જર વિરૂદ્ધ કેસ પણ દાખલ કરવામાં આવ્યો હતો અને મળતી માહિતી અનુસાર પેસેન્જરની ધરપકડ પણ કરી લેવામાં આવી છે.
આ પહેલા પણ ઈન્ડિગો ફ્લાઈટ આવી છે ચર્ચામાં
નશામાં ધૂત પેસેન્જરો એવી હરકતો કરી દેતા હોય છે જે ચર્ચાનો વિષય બનતા હોય છે. 26 માર્ચે ગુવાહટીથી દિલ્હી જઈ રહેલી ઈંડિગોની ફ્લાઈટમાં એક પેસેન્જરે ઉલટી કરી લીધી હતી. તે પહેલા પણ 26 નવેમ્બરે પણ એવી ઘટના બની હતી જેની ચર્ચાઓ અનેક જગ્યાઓ પર થઈ હતી. નશામાં ધૂત એક પેસેન્જરે બાજુમાં બેઠેલી મહિલા પેસેન્જર પર પેસાબ કરી દીધી હતી. આ વાતને લઈ પણ ઘણો હોબાળો થયો હતો. પોલીસે પેસાબ કરનાર વિરૂદ્ધ કેસ દાખલ કર્યો હતો.
જો પેસેન્જર સ્મોકિંગ કરતા પકડાય તો શું થાય કાર્યવાહી?
જો તમે ફ્લાઈટમાં સિગરેટ પીતા પકડાવ છો તો તમારી વિરૂદ્ધ કડક કાર્યવાહી કરવામાં આવે છે. ફ્લાઈટમાં સ્મોકિંગને લઈને નિયમની વાત કરીએ તો ઈન્ડિયન એરક્રાફ્ટ એક્ટ 1937ના સેક્શન 25માં જણાવાયું છે કે ફ્લાઈટમાં સ્મોકિંગ પર સંપૂર્ણપણે પ્રતિબંધ મૂકવામાં આવ્યો છે. એટલે તમે ફ્લાઈટમાં સ્મોકિંગ નહીં કરી શકો. જો કોઈ પેસેન્જર ધ્રૂમપાન કરતા ઝડપાય છે તો તેના વિરૂદ્ધ કાર્યવાહી પણ કરાઈ શકે છે. નિયમો અનુસાર ફ્લાઈટમાં હંગામો કરવો, ધ્રૂમપાન કરવું, દુર્વ્યવહાર કરતા કોઈ પેસેન્જર પકડાય છે તો પેસેન્જરને મુસાફરી કરતા અટકાવાઈ શકાય છે. વિમાનમાંથી પણ ઉતારાઈ શકાય છે.
