રાજ્યના પોલીસ વડા કોણ બનશે તે અંગે અનેક તર્ક વિતર્કો થઈ રહ્યા છે. થોડા દિવસથી વિકાસ સહાય ઈન્ચાર્જ ડીજીપીનો ચાર્જ સંભાળી રહ્યા છે. જો કે હવે વિકાસ સહાય પૂર્ણકાલીન ડીજીપી બનાવવામાં આવશે. આ અંગે ટુંક સમયમાં જ જાહેરાત કરવામાં આવશે. 

વિકાસ સહાય બનશે આગામી DGP

રાજ્યના પોલીસ વડા તરીકે આશિષ ભાટીયા નિવૃત થયા બાદ તેમના સ્થાને 1989 બેન્ચના છે IPS વિકાસ સહાયને વધારાની જવાબદારી સોંપવામાં આવી હતી. ડીજીપીની રેસમાં પાંચ સિનિયર અધિકારીઓના નામ શોર્ટ લિસ્ટ કરવામાં આવ્યા હતા.  DGP બનવાની આ રેસમાં સૌથી આગળ અમદાવાદ પોલીસ કમિશનર સંજય શ્રીવાસ્તવ અને 1989 બેચના IPS અધિકારી વિકાસ સહાયનું નામ આગળ ચાલી રહ્યું હતું. અંતે હવે વિકાસ સહાયનું નામ ફાઈનલ થઈ ગયું છે. તેમના નામની સત્તાવાર જાહેરાત આગામી બેથી ત્રણ દિવસમાં કરાવામાં આવશે.