.jpg "The News Reporter")
હિમાચલ પ્રદેશની 68 વિધાનસભા બેઠકો પર સવારે 8 વાગ્યાથી મતદાન ચાલી રહ્યું છે. કડકડતી ઠંડી છતાં લોકો મોટી સંખ્યામાં મતદાન કરવા પહોંચી રહ્યા છે. મતદાનના પ્રથમ કલાકમાં 5.3 ટકા મતદાન નોંધાયું હતું, ત્યારબાદ મતદાનમાં ઉછાળો જોવા મળ્યો છે. હવે 11 વાગ્યા સુધી 17.98 ટકા મદદ થઈ છે. જણાવી દઈએ કે આ વખતે હિમાચલની કુલ 68 વિધાનસભા સીટો પર 412 ઉમેદવારો પોતાનું નસીબ અજમાવી રહ્યા છે. આ વખતે આ બેઠકો પર કુલ 55 લાખ 92 હજાર 882 મતદારો મતદાન કરશે. ચૂંટણી પંચના જણાવ્યા અનુસાર હિમાચલમાં 28,54,945 પુરૂષ અને 27,37,845 મહિલા અને 38 તૃતીય લિંગના મતદારો મતદાન કરશે. આ સાથે રાજ્યમાં 67,559 સેવા મતદારો, 56,501 દિવ્યાંગ અને 22 NRI મતદારો છે.
હિમાચલ પ્રદેશમાં એક જ તબક્કામાં ચૂંટણી યોજાઈ રહી છે અને મતગણતરી 8 ડિસેમ્બરે થશે. આજે રાજ્યમાં મતદાન પ્રક્રિયા સવારે 8 થી સાંજના 5 વાગ્યા સુધી ચાલશે. આ વખતે હિમાચલ પ્રદેશમાં 7,881 મતદાન મથકો બનાવવામાં આવ્યા છે. જણાવી દઈએ કે હિમાચલ પ્રદેશમાં આ વખતે ભાજપ અને કોંગ્રેસ સિવાય આમ આદમી પાર્ટી પણ મેદાનમાં છે. ત્રણેય પક્ષોએ રાજ્યની તમામ બેઠકો પર પોતાના ઉમેદવારો ઉભા રાખ્યા છે. હાલમાં હિમાચલમાં મુખ્યમંત્રી જયરામ ઠાકુરના નેતૃત્વમાં ભાજપની સરકાર છે.
