અરવલ્લીના મોડાસામાં ક્રુર પિતાએ પોતાની દિકરીનું બ્લેડથી ગળું કાપી નાખવાની ઘટના ઘટી છે. ધનસુરા તાલુકામાં રહેનાર પરિવારની દિકરી પ્રેમી સાથે ભાગી ગઈ હતી. યુવક સાથે ભાગેલી દિકરી સગીર વયની હતી અને ચિલ્ડ્રન હોમમાં રહેતી હતી. સગીરા 2 મહિનાથી ચિલ્ડ્રન હોમમાં રહેતી હતી. દિકરીના પિતા ચિલ્ડ્રન હોમમાં મળવા ગયા હતા ત્યારે તેણે દિકરીનું ગળું બ્લેડથી કાપી નાખ્યું હતું.

પિતાએ બ્લેડથી દિકરીનું ગળું કાપ્યું

પિતા જ્યારે દિકરીને મળવા માટે ચિલ્ડ્રન હોમમાં ગયા હતા ત્યારે બ્લેડ લઈને ગયા હતા. દિકરીને જોયા બાદ જ પિતાએ દિકરીનું ગળું કાપી નાખ્યું હતું. દિકરીની હાલત ગંભીર છે અને તે હાલ હોસ્પિટલમાં સારવાર હેઠળ છે અને પોલીસે દિકરીના ક્રુર પિતાને ઝડપી લીધો છે. પોલીસ સમગ્ર મામલે તપાસ કરી રહી છે.