બિહારના કટિહાર જિલ્લામાં આજે સ્થાનિક બીજેપી નેતા સંજીવ મિશ્રાની ગોળી મારીને હત્યા કરવામાં આવી હતી. જેના વિરોધમાં ગામના લોકોએ વિરોધ પ્રદર્શન કર્યું હતું. વિસ્તારમાં પોલીસ ફોર્સ તૈનાત કરવામાં આવી છે.

પોલીસના જણાવ્યા અનુસાર, બે બાઇક સવારો તેલટા પોલીસ સ્ટેશન વિસ્તારમાં મિશ્રાના ઘરે પહોંચ્યા અને તેમને ગોળી મારી દીધી. જૂની અદાવતના કારણે આ ઘટનાને અંજામ આપવામાં આવ્યો હોવાનું કહેવાય છે. આ હત્યાના વિરોધમાં સ્થાનિક લોકોએ વિરોધ પ્રદર્શન કર્યું હતું. માહિતી મળતાની સાથે જ પોલીસ ઘટનાસ્થળે પહોંચી અને મૃતદેહને પોસ્ટમોર્ટમ માટે મોકલી આપ્યો. મામલાની તપાસ કરવામાં આવી રહી છે.