આઈટીની ટીમે અમદાવાદ અને કચ્છમાં મેગા ઓપરેશન હાથ ધર્યું હતું. આઈટીની ટામે સ્ટીલ બિઝનેસ સાથે સંકળાયેલા ગ્રુપ પર કાર્યવાહી કરી છે. આઈટીની ટીમે એકસાથે 18 જગ્યાઓ પર દરોડા પાડી સર્વેની કામગીરી કરી હતી. અંદાજીત 100થી વધુ અધિકારીઓનો કાફલો આવી પહોંચ્યો હતો અને આ મેગા ઓપરેશનમાં તપાસની કાર્યવાહી હાથ ધરી હતી. 

100 જેટલા અધિકારીઓ કરી રહ્યા છે તપાસ 

છેલ્લા અનેક દિવસોથી આઈટીની ટીમ એક્શન મોડમાં આવી ગઈ છે. આઈટી ટીમ વિવિધ જગ્યાઓ પર રેડ પાડી રહી છે. ત્યારે IT વિભાગે સ્ટીલ બિઝનેસ સાથે સંકળાયેલા મોટા ગ્રુપ પર કાર્યવાહી કરી છે. ટીમે એક સાથે અમદાવાદ અને કચ્છમાં રેડ કરી હતી. 18 જગ્યાઓ પર ટીમ દ્વારા કાર્યવાહી કરવામાં આવી છે. મેગા ઓપરેશન કરવા 100 જેટલા અધિકારીઓની ટીમ ઉતારવામાં આવી હતી. સર્વેની કાર્યવાહી કરવામાં આવતા કડકડતી ઠંડીમાં પણ ગરમીનો અહેસાસ થઈ રહ્યો છે.