ગુજરાતમાં ચૂંટણીનો માહોલ જામ્યો છે. વિધાનસભાની ચૂંટણીને માત્ર ગણતરીના દિવસો જ બાકી રહ્યા છે. દરેક પાર્ટી પોતાના પ્રચારમાં વ્યસ્ત બની છે. ભાજપ, આમ આદમી પાર્ટી અને કોંગ્રેસ ટેક્નોલોજીનો ભરપૂર ઉપયોગ કરી રહી છે. ત્યારે આમ આદમી પાર્ટીએ ટ્વિટર પર એક ટ્વિટ કરી છે જેમાં લખ્યું છે કે જો ઘરમાં સોનું ચાંદી ન હોય તો પણ ચેતતા રહેજો, હવે તો ગેસનો બાટલો ચોરાય એવી મોંઘવારી છે.

મોંઘવારીને લઈ આપે કર્યા પ્રહાર 

ગુજરાતમાં આ વખતે ત્રિ-પાંખીયો જંગ જામવાનો છે. ભાજપ, આમ આદમી પાર્ટી અને કોંગ્રેસ વચ્ચે આ વખતે ચૂંટણીનો જંગ જામવાનો છે. દરેક પાર્ટી પોતાના મુદ્દાઓ પર પ્રચાર કરી રહી છે. દરેક પાર્ટીના દિગ્ગજ નેતાઓ ગુજરાતમાં આવી પ્રચાર કરી રહ્યા છે. આ વખતની ચૂંટણીમાં સોશિયલ મીડિયોનો પણ ભરપૂર ઉપયોગ કરી રહ્યા છે. ટ્વિટર પર દરેક પાર્ટી એક બીજા પર પ્રહાર કરી રહી છે. ત્યારે વધતી મોંઘવારીને લઈ આમ આદમી પાર્ટીએ ભાજપ પર પ્રહાર કર્યા છે. 

જીવન જરૂરિયાની ચીજ વસ્તુના વધી રહ્યા છે ભાવ  

દિવસેને દિવસે મોંઘવારી વધી રહી છે. જીવન જરૂરિયાત વસ્તુઓનો ભાવ સતત વધી રહ્યો છે. દૂધ, શાકભાજી, રાંધણ ગેસના ભાવમાં વધારો થઈ રહ્યો છે. ત્યારે આપે વધતી મોંઘવારીને લઈ કટાક્ષ કર્યો છે. આમ આદમી પાર્ટીએ ટ્વિટ કરી લખ્યું કે ઘરમાં સોનું, ચાંદી ન હોય તો પણ ચેતતા રહેજો, હવે તો ગેસનો બાટલો ચોરાય એવી મોંઘવારી છે.