ગુજરાતમાં વિધાનસભાની ચૂંટણી જેમ જેમ નજીક આવી રહી છે તેમ તેમ માહોલ ગરમાઈ રહ્યો છે. થોડા દિવસો પહેલા સુરત આપના ઉમેદવાર કંચન જરીવાલા એકાએક ગાયબ થઈ ગયા હતા અને બીજા દિવસે પોતાની ઉમેદવારી પાછી ખેંચી લીધી હતી ત્યારે હવે કચ્છમાં અબડાસા વિધાનસભા બેઠકના ઉમેદવાર વસંત ખેલાણીએ વીડિયો બહાર પાડી ભાજપને ટેકો જાહેર કર્યો છે.

વીડિયો બનાવી ભાજપના ઉમેદવારને આપ્યું સમર્થન

ગુજરાતમાં વિધાનસભા ચૂંટણી નજીક આવી રહી છે તેમ તેમ નેતાઓના વીડિયો સામે આવી રહ્યા છે. આ વખતે ગુજરાતમાં આમ આદમી પાર્ટી, ભાજપ અને કોંગ્રેસ વચ્ચે ચૂંટણી જંગ જામવાનો છે. આમ આદમી પાર્ટીએ દરેક બેઠક પર પોતાના ઉમેદવારો જાહેર કર્યા છે. ત્યારે થોડા દિવસો પૂર્વે સુરત આપના ઉમેદવાર કંચન જરીવાલા એકાએક ગાયબ થઈ ગયા હતા અને બીજા દિવસે પોતાની ઉમેદવારી પાછી ખેંચી લીધી હતી. ત્યારે કાર્યકર્તાઓ અનુસાર કચ્છમાં આપના નેતા અને અબડાસા બેઠકના આપના ઉમેદવાર ગાયબ થઈ ગયા હોવાનો આક્ષેપ લગાવ્યો હતો. પરંતુ થોડા સમય બાદ તેમણે વીડિયો બનાવી ભાજપને સમર્થન જાહેર કર્યું હતું.