ચૂંટણી નજીક આવતા આમ આદમી પાર્ટીએ અને કોંગ્રેસે પોતાના ઉમેદવારોના નામ જાહેર કરી દીધા છે. આમ આદમી પાર્ટીએ ઈસુદાન ગઢવીની પસંદગી મુખ્યમંત્રીના ચહેરા તરીકે કરી છે. નામની ઘોષણા થયા બાદ આમ આદમી પાર્ટીમાં ચાલતા આંતરિક વિખવાદ બહાર આવી રહ્યા છે. કોંગ્રેસમાંથી આપમાં જોડાયેલ ઈન્દ્રનીલ રાજ્યગુરુએ આપમાંથી રાજીનામું આપી દીધું અને કોંગ્રેસમાં ઘરવાપસી કરી હતી.      

ઈસુદાનના નામની જાહેરાત થયા બાદ જોવા મળી નારાજગી

ગુજરાતમાં આ વખતે ત્રણ પાર્ટી વચ્ચે ખરાખરીનો જંગ જામવાનો છે. ગુજરાતમાં ચૂંટણીની તારીખ જાહેર થઈ ગઈ છે. કોંગ્રેસે તેમજ આમ આદમી પાર્ટીએ પોતાના ઉમેદવારોના નામની જાહેરાત કરી દીધી છે. ઉપરાંત આપે મુખ્યમંત્રીના ચહેરા તરીકે ઈસુદાન ગઢવીની પસંદગી કરી છે. તેમનું નામ જાહેર થતા અનેક નેતાઓમાં નારાજગી જોવા મળી હતી. 

ઈન્દ્રનીલના ફોટો પર ફેરવ્યો કૂચડો

ઈન્દ્રનીલ રાજ્યગુરૂએ આમ આદમી પાર્ટીમાંથી રાજીનામું આપી કોંગ્રેસનો હાથ પકડી લીધો છે. કોંગ્રેસમાં જવાથી આમ આદમી પાર્ટીના કાર્યકરોમાં તેમને લઈ ભારે રોષ જોવા મળી રહ્યો છે. રોષે ભરાયેલા કાર્યકરોએ પાર્ટી કાર્યાલય બહાર લાગેલા હોર્ડિંગ પર પોતાનો વિરોધ પ્રદર્શીત કર્યો હતો. કાર્યકરોએ ઈન્દ્રનીલના ફોટો પર કાળા કલરનો કૂચડો મારી દીધો હતો.

ઈન્દ્રનીલે કરી કોંગ્રેસમાં ઘરવાપસી

ઈસુદાન ગઢવીને મુખ્યમંત્રીના ચહેરા તરીકે ઘોષિત કરાતા રાજ્યગૂરૂએ પોતાની નારાજગી વ્યક્ત કરી હતી. નારાજ થયેલા ઈન્દ્રનીલે કાલે જ આમ આદમી પાર્ટીનો સાથ છોડી કોંગ્રેસનો હાથ થામી લીધો હતો. જે બાદ આપમાં ઈન્દ્રનીલનો વિરોધ થઈ રહ્યો છે. રોષે ભરાયેલા કાર્યકરોએ હોર્ડિંગ પર લાગેલા ઈન્દ્રનીલ રાજ્યગૂરૂના ફોટા પર કાળો કૂચડો મારી દીધો હતો.