ગુજરાતમાં ચોમાસાની વિદાય બાદ બેવડી ઋતુની અનુભૂતી થઈ રહી છે, દિવસે ગરમી, રાત્રે ઠંડી અને સવારે ધુમ્મસથી લોકોની હાલત કફોડી બની છે. રાજ્યમાં ઉતર-પૂર્વના પવનો ફૂંકાઇ રહ્યા છે છતાં પણ લઘુતમ તાપમાન સામાન્ય છે. હવે આવી પરિસ્થિતીમાં જાણીતા હવામાન નિષ્ણાંત અંબાલાલ પટેલે ફરી એક વખત માવઠાની આગાહી કરી છે. અંબાલાલ પટેલના જણાવ્યા પ્રમાણે રાજયમાં કાતિલ ઠંડીની સાથે ચક્રવાત અને કમોસમી વરસાદથી ખેતીના પાકને નુકસાનની શક્યતા છે.

ઉત્તર અને પૂર્વ ગુજરાતમાં વરસાદી ઝાપટાની શક્યતા

હવામાન નિષ્ણાત અંબાલાલ પટેલના જણાવ્યા પ્રમાણે રાજ્યમાં આગામી દિવસોમાં ભારે વેસ્ટર્ન ડિસ્ટર્બન્સ આવશે. 8 થી 12 નવેમ્બરના દેશના ઉત્તરીય પર્વતિય વિસ્તારમાં ભારે વેસ્ટર્ન ડિસ્ટર્બન્સ આવશે. પંજાબ, હરિયાણા, રાજસ્થાન સુધીમાં કમોસમી વરસાદની શક્યતા રહેશે. તેની અસર ગુજરાતના અમુક ભાગોમાં થવાની શક્યતા રહેશે. ઉત્તર ગુજરાત અને પૂર્વ ગુજરાતના વિસ્તારમાં વાદળો ઘેરાઈ શકે  શકે અને વરસાદી ઝાપટું પડવાની શક્યતા છે. તે ઉપરાતં 12 નવેમ્બર બાદ પણ અરબ સાગર અને બંગાળના ઉપસાગરમાં અરબ સાગરમાં હલચલ જોવા મળશે અને લો પ્રેશર બનશે. બંગાળના ઉપસાગરમાં પણ હલચલ જોવા મળશે 12  નવેમ્બર પછી વધુ હલચલ જોવા મળશે 14થી 16 નવેમ્બરના ચક્રવાત સક્રિય થવાની શક્યતા રહેશે. આ ચક્રવાતો ડિસેમ્બરની શરુઆત સુધી રહેવાની શક્યતા છે.

22 ડિસેમ્બરથી કાતિલ ઠંડી પડશે

બંગાળાના ઉપસાગર અને અરબ સાગરના ભેજના કારણે ગુજરાતમાં વાદળ છાયુ વાતાવરણ જોવા મળશે. શિયાળામાં એક પછી એક વેસ્ટર્ન ડિસ્ટર્બન્સ આવતા જશે. આ વેસ્ટર્ન ડિસ્ટર્બન્સ ડિસેમ્બરમાં આવશે 22 ડિસેમ્બરથી કડકડતી ઠંડી પડશે જાન્યુઆરીમાં ઠંડોગાર રહેશે. આ ઉપરાંત તેમણે જણાવ્યુ કે, ફેબ્રુઆરીની શરુઆતમાં પણ ઠંડી પડવાની શક્યતા રહેશે. એટલે 22 ડિસેમ્બરથી 12 ફેબ્રુઆરી વચ્ચે કડક્ડતી ઠંડી પડશે. ડિસેમ્બરના એન્ડ સુધી એક પછી એક સિસ્ટમ બન્યા કરશે અને એક પછી એક વેસ્ટર્ન ડિસ્ટર્બન્સ પણ આવ્યા કરશે. જેની અસર વાતાવરણ પર જોવા મળશે.