રાજ્યમાં એક તરફ જ્યારે કડકડતી ઠંડીનો અનુભવ થઈ રહ્યો છે. એક બે દિવસ શીતલહેરનો અનુભવ થવાનો છે. ત્યારે આગામી દિવસો દરમિયાન હવામાન વિભાગે કમોસમી વરસાદ વરસવાની આગાહી કરી છે. ઉત્તર ગુજરાતના બનાસકાંઠા અને પાટણ જિલ્લામાં કમોસમી વરસાદ વરસવાની આગાહી કરી છે.

બનાસકાંઠા તેમજ પાટણ માટે કરાઈ કમોસમી વરસાદની આગાહી 

ઉત્તરભારતના અનેક રાજ્યોમાં હિમવર્ષા થઈ રહી છે. અમુક રાજ્યોમાં વરસાદ વરસી રહ્યો છે. હિમવર્ષાને કારણે અનેક રાજ્યોમાં ઠંડીનો અહેસાસ થઈ રહ્યો છે. ત્યારે ગુજરાતમાં પણ તાપમાનનો પારો ગગડી રહ્યો છે. ગુજરાતના અનેક શહેરોમાં તાપમાન 11 ડિગ્રીથી નીચે નોંધાયું હતું. હવામાન વિભાગની આગાહી પ્રમાણે 28 જાન્યુઆરીએ ઉત્તર ગુજરાતના બનાસકાંઠા અને પાટણ જિલ્લામાં કમોસમી વરસાદ વરસવાની આગાહી કરવામાં આવી છે. બનાસકાંઠામાં 7 ડિગ્રી, પાલનપુરમાં 10 ડિગ્રી, ભુજમાં 10 ડિગ્રી તાપમાન નોંધાયું હતું. અમદાવાદમાં પણ તાપમાનનો પારો 11 ડિગ્રીની આસપાસ નોંધાયો હતો. 

અનેક શહેરોમાં કરાઈ છે કોલ્ડવેવની આગાહી  

નવા વર્ષથી રાજ્યમાં ઠંડીનો અનુભવ થઈ રહ્યો છે. હજી પણ ઠંડીનું જોર યથાવત જોવા મળી રહ્યું છે. ત્યારે કડકડતી ઠંડી વચ્ચે હવામાન વિભાગે અનેક રાજ્યોમાં કમોસમી વરસાદની આગાહી કરવામાં આવી છે. કમોસમી વરસાદની આગાહી કરાતા ખેડૂતોની ચિંતામાં વધારો થયો છે. કમોસમી વરસાદની સાથે સાથે કોલ્ડવેવની આગાહી પણ કરવામાં આવી છે. સૌરાષ્ટ્ર તેમજ કચ્છમાં કોલ્ડવેવ રહેશે.