ભાદરવી પૂનમ દરમિયાન શક્તિપીઠ અંબાજીમાં ભક્તોની ભારે ભીડ જોવા મળતી હોય છે. લોકમેળાનું આયોજન કરવામાં આવતું હોય છે જેમાં મોટી જનમેદની ઉમટતી હોય છે. અનેક માઈભક્તો એવા હોય છે જે પગપાળા યાત્રા કરી માતાજીના મંદિરે પહોંચતા હોય છે. રસ્તામાં અનેક સુવિધા, રાહત શિબિરોની વ્યવસ્થા કરવામાં આવે છે. ભાદરવી પૂનમના મેળાને લઈ વિશેષ આયોજન કરવામાં આવતું હોય છે. અંબાજી મંદિર દ્વારા અનેક માઈભક્તોના વીડિયો પોસ્ટ કરવામાં આવી રહ્યા છે. એ વીડિયોમાં માતાજી સમક્ષ ભક્તો ગરબા કરી રહ્યા છે. ચાચર ચોકમાં માતાજીના ગુણગાન ગાવામાં આવી રહ્યા છે. અનેક ગરબાઓમાં પારંપારિક લોકનૃત્યની ઝાંખી પણ જોવા મળે છે. 

ભાદરવી પૂનમને લઈ મંદિરમાં ઉમટી જનમેદની 

"બોલ મારી અંબે જય જય અંબે"... ના નાદથી અંબાજી મંદિર થોડા દિવસો બાદ ગુંજી ઉઠવાનું છે. અંબાજી મંદિર તરફ જતા રસ્તાઓ પર તો આ નાદ સંભળાય છે પરંતુ ચાચર ચોકમાં પણ ભક્તો પહોંચી રહ્યા છે. ભાદરવી પૂનમે અંબાજી મંદિરમાં દર્શન કરવા મોટી જનમેદની ઉમટતી હોય છે. લાખો ભક્તો માતાજીના દર્શન કરી ધન્યતા અનુભવતા હોય છે. અલગ અલગ જગ્યાઓ પરથી માઈ ભક્તો અંબાજી મંદિર પહોંચતા હોય છે. લોકમેળાનું આયોજન કરવામાં આવતું હોય છે. અંબાજી મંદિરમાં સામાન્ય રીતે પણ ભીડ રહેતી હોય છે પરંતુ પૂનમના દિવસે અનેક ભક્તો દર્શનાર્થે આવતા હોય છે. અનેક વીડિયો સામે આવી રહ્યા છે જેમાં માઈભક્તો ચાચર ચોકમાં ગરબે ઘૂમી રહ્યા છે. 

મંદિરના સમયમાં કરાયો છે ફેરફાર!

ભાદરવી પૂનમને ધ્યાનમાં રાખી મંદિરના ટાઈમિંગમાં પણ ફેરફાર કરવામાં  આવ્યો છે. ભાદરવી પૂનમને લઈ શક્તિપીઠ અંબાજી મંદિરના સમયમાં ફેરફાર કરવામાં આવ્યો છે. સવારની આરતી 6.00થી 6.30 કલાકે, 6.30થી 11.30 કલાક, રાજભોગના દર્શન બપોરે 12 વાગ્યે થશે. બપોરે 12.30થી 5.0 કલાક દરમિયાન દર્શનનો સમય રહેશે. સાંજની આરતી 7.00થી 7.30 કલાક સુધીનો છે.    

લોકમેળાને લઈ કરાયું વિશેષ આયોજન 

ભાદરવી પૂનમને હવે ગણતરીના દિવસો બાકી રહ્યા છે. અનેક જગ્યાઓથી પગપાળા સંઘો શક્તિપીઠ અંબાજી તરફ જતા હોય છે. 23થી 29 સપ્ટેમ્બર 2023 દરમિયાન ભાદરવી પૂનમનો મહામેળો યોજાતો હોય છે. ભાદરવી પૂનમના દિવસે માઈમંદિરોમાં ભાવિકોની ભીડ ઉમટતી હોય છે. ખાસ કરીને શક્તિપીઠોમાં મોટી સંખ્યામાં  જનમેદની જોવા મળતી હોય છે. ભાદરવી પૂનમનો મેળો ગુજરાતમાં યોજાતા લોકમેળાઓમાનો એક પ્રખ્યાત લોકમેળો. લોકમેળાને લઈને મંદિર તરફથી પણ વ્યવસ્થા કરવામાં આવી રહી છે. મેળા દરમિયાન  ભક્તોના ઘસારાને ધ્યાનમાં રાખી મંદિરના સમયમાં ફેરફાર કરવામાં આવ્યો છે. 

23થી 29 સપ્ટેમ્બર દરમિયાન યોજાવાનો છે લોકમેળો 

શક્તિપીઠોમાં દર્શન કરવાનો મહત્વ તો અનેરો હોય છે. પરંતુ જો તે દર્શન પૂનમના દિવસે અથવા તો નવરાત્રી દરમિયાન કરવામાં આવે તો તેનો મહિમા વિશેષ થઈ જાય છે તેવું ભક્તો સામાન્ય રીતે માનતા હોય છે. નવરાત્રી દરમિયાન માતાજીના મંદિરોમાં ભાવિકોની ભારે ભીડ ઉમટતી હોય છે. ત્યારે ભાદરવી પૂનમ દરમિયાન ગુજરાતમાં આવેલા શક્તિપીઠ અંબાજીમાં મેળો ભરાય છે. 23થી 29 સપ્ટેમ્બર સુધી ચાલનારા આ મેળામાં મોટી સંખ્યામાં લોકો ભાગ લેતા હોય છે. અનેક શ્રદ્ધાળુઓ પગપાળા સંઘ પણ કાઢતા હોય છે. ત્યારે ભાદરવી પૂનમ પહેલા મંદિરમાં ભાવિકોની ભીડ જોવા મળી રહી છે.