.jpg "The News Reporter")
મુખ્યમંત્રી ભૂપેન્દ્ર પટેલના ભાષણ દરમિયાન ઊંઘવું ભૂજના ચીફ ઓફિસરને ભારે પડ્યું છે. રાજ્ય સરકારે ભુજ નગરપાલિકાના ચીફ ઓફિસર સામે શિસ્તભંગના પગલા લેતા તેમને સસ્પેન્ડ કરવામાં આવ્યા છે. ભૂજના ચીફ ઓફિસર જીગર પટેલ સીએમના કાર્યક્રમ દરમિયાન બેફિકરાઈથી ઊંઘતા જોવા મળ્યાં હતા. આ ઘટનાનો વીડિયો પણ સોશિયલ મીડિયા પર ખુબ વાયરલ થયો હતો. અંતે સરકારે તેમની સામે કડક કાર્યવાહી કરતા સસ્પેન્ડ કરવામાં આવ્યાં છે.
CM ભૂપેન્દ્ર પટેલના કાર્યક્રમમાં ઊંઘતા ઝડપાયા
કચ્છમાં ભૂકંપના બે દાયકા બાદ પ્રોપર્ટી કાર્ડ વિતરણ કાર્યક્રમ ગઈ કાલે 29 એપ્રીલે યોજાયો હતો. આ કાર્યક્રમ દરમિયાન મુખ્યમંત્રી ભૂપેન્દ્ર પટેલ ભાજપ સરકારના વિકાસ કાર્યની ગાથા તેમના પ્રાસંગિક પ્રવચનમાં કરી રહ્યાં હતા. તેમજ અધિકારીઓને મહત્વના સુચનો આપતા હતા. આ દરમિયાન શ્રોતાગણમાં બેઠેલા ભૂજના ચીફ ઓફિસર જીગર પટેલ આ બધાથી તદન અજાણ અને શાંતિથી ઊંઘતા કેમેરામાં કેદ થયા હતા.
