ગુજરાતના મુખ્યમંત્રી ભૂપેન્દ્ર પટેલના સાસુમાનું અવસાન થયું છે. ગાંધીનગરના નિવાસ સ્થાને મુખ્યમંત્રીના સાસુમા શાંતાબેનનું મોડી રાત્રે અવસાન થઈ ગયું છે. સેક્ટર 30 ખાતે આવેલા સ્મશાનગૃહમાં તેમના અંતિમસંસ્કાર કરવામાં આવ્યા હતા. પરિવારજનોની હાજરીમાં સાદગી અને શાસ્ત્રોક્ત વિધીથી તેમના અંતિમસંસ્કાર કરવામાં આવ્યા હતા.  

94 વર્ષની ઉંમરે લીધા અંતિમ શ્વાસ 

સીએમના સાસુ મુખ્યમંત્રીની સાથે ગાંધીનગરના સીએમ હાઉસ ખાતે રહેતા હતા. મોડી રાત્રે શાંતાબેનનું નિધન થઈ ગયું હતું. ગાંધીનગરના સેક્ટર 30 ખાતે આવેલા સ્મશાન ગૃહમાં તેમના અંતિમ સંસ્કાર કરવામાં આવ્યા હતા. પરિવારજનોની હાજરીમાં સાદગી પૂર્ણ રીતે તેમના અંતિમસંસ્કાર કરવામાં આવ્યા હતા. 1984માં ભૂપેન્દ્ર પટેલના લગ્ન હેતલબેન સાથે થયા હતા. હેતલબેન તેમના માતા પિતાના એક માત્ર સંતાન હતા. એકના એક સંતાન હોવાથી પિતાના અવસાન બાદ હેતલબેનની માતા તેમની સાથે રહેતા હતા. ભૂપેન્દ્ર પટેલના સાસુ છેલ્લા 15 વર્ષથી તેમની સાથે રહેતા હતા. 94 વર્ષની ઉંમરે તેમનું નિધન થયું છે.