ગુજરાતમાં ચૂંટણી પ્રચાર દરમિયાન સોશિયલ મીડિયાનો ભરપૂર ઉપયોગ કરવામાં આવી રહ્યો છે. ચૂંટણી નજીક આવી રહી છે તેમ તેમ રાજકીય પાર્ટીઓ દ્વારા એક બીજા પર આરોપ-પ્રતિઆરોપ લગાવવામાં આવતા હોય છે. ત્યારે ટ્વિટર પર એક વીડિયો શેર કર્યો છે જેમાં ભાજપે કોંગ્રેસને ઢોંગ્રેસ લખીને સંબોધી છે. ભાજપે લખ્યું કે આ એ જ ઢોંગ્રેસ જેમના સમયે છાસવારે તોફાનો થતાં હતા અને વારેવારે લાઈટો જતી રહેતી હતી.

કોંગ્રેસને ભાજપે સંબોધી ઢોંગ્રેસ તરીકે 

ગુજરાતમાં છેલ્લા 27 વર્ષોથી ભાજપની સરકાર છે. ચૂંટણીના પ્રચાર દરમિયાન ભાજપ અનેક વખત કોંગ્રેસ પર અનેક વખત પ્રહાર કરતી હોય છે. ચૂંટણી નજીક આવતા ભાજપનું આઈટી સેલ એકદમ એક્ટિવ થઈ જતું હોય છે. કોંગ્રેસ પર પ્રહાર કરતા ભાજપે એક વીડિયો શેર કર્યો છે જેમાં તેમણે લખ્યું કે આ એ જ ઢોંગ્રેસ જેમના સમયે રોજ છાપામાં કૌભાંડો છપાતા હતા, છાસવારે આતંકી હુમલા થતાં હતા. વારેવારે લાઈટો જતી રહેતી હતી.

ભાજપે જીવવું જ મુશ્કેલ બનાવી દીધું છે - કોંગ્રેસ 

એવું નથી કે માત્ર ભાજપ જ કોંગ્રેસ પર શાબ્દિક પ્રહાર કરતી હોય છે, કોંગ્રેસ પણ અનેક ભાજપ પર પ્રહાર કરે છે. કોંગ્રેસે પણ અનેક વખત વીડિયો શેર કરી ભાજપ પર પ્રહાર કર્યા છે. કોંગ્રેસ શિક્ષણ, મોંઘવારી, બેરોજગારીને લઈ ભાજપ પર પ્રહાર કરતી રહી છે. થોડા સમય પહેલા કોંગ્રેસે એક વીડિયો શેર કર્યો હતો. જેમાં કોંગ્રેસે લખ્યું હતું કે ભાજપે ગુજરાતની પ્રજાનું જીવવું જ મુશ્કેલ બનાવી દીધું છે.