ગુજરાતમાં બે તબક્કામાં મતદાન થવાનું છે. પ્રથમ તબક્કાનું મતદાન પહેલી ડિસેમ્બરના રોજ થવાનું છે જ્યારે બીજા તબક્કાનું મતદાન પાંચમી ડિસેમ્બરના રોજ યોજાવાનું છે. જ્યારે ચૂંટણી પરિણામ આઠમી ડિસેમ્બરના રોજ આવવાનું છે. ત્યારે પ્રથમ તબક્કા માટે ઉમેદવારી ફોર્મ ભરવાનો આજે અંતિમ દિવસ છે. જેને લઈ ઉમેદવારો પોતાનું ઉમેદવારી ફોર્મ ભરશે.

આ જિલ્લાઓમાં થશે 1 ડિસેમ્બરના રોજ મતદાન  

પ્રથમ તબક્કામાં કચ્છ, મોરબી, જામનગર, સુરેન્દ્રનગર, જૂનાગઢ, દેવભૂમિ દ્વારકા, પોરબંદર, રાજકોટ, અમરેલી, ગીર સોમનાથ, ભાવનગર, બોટાદ, ભરૂચ, નર્મદા, સુરત, તાપી, નવસારી, વલસાડ, ડાંગમાં મતદાન યોજાશે.

5 ડિસેમ્બરે આ બેઠકો માટે મતદાન

બીજા તબક્કામાં બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, વડોદરા, પંચમહાલ, મહિસાગર, દાહોદ, છોટાઉદેપુરમાં મતદાન યોજાશે. બીજા તબક્કા માટે નામાંકન ભરવાની અંતિમ તારીખ 17 નવેમ્બરના રોજ છે. અને જો ઉમેદવારી ફોર્મ પરત લેવાનું હોય તો તેની અંતિમ તારીખ 17 નવેમ્બર છે.    

આઠમી ડિસેમ્બરના રોજ હાથ ધરાશે મતગણતરી 

પ્રથમ તબક્કામાં 19 જિલ્લાની 89 બેઠકો માટે મતદાન થવાનું છે જ્યારે બીજા તબક્કામાં 14 જિલ્લાની 93 બેઠકો માટે મતદાન થવાનું છે. જ્યારે ચૂંટણી પરિણામ આઠમી ડિસેમ્બરના રોજ આવવાનું છે. તમામ ઉમેદવારો ઉમેદવારી ફોર્મ ભરવા જતી વખતે પોતાનું શક્તિ પ્રદર્શન કરે તો નવાઈ નહી.