દાહોદના ફતેપુરા વિધાનસભાના કોંગ્રેસના નેતા ગોવિંદ પરમાર પોતાના કાર્યકર્તાઓ સાથે વિધિવત રીતે આમ આદમી પાર્ટી સાથે જોડાયા છે. ગોવિંદ પરમારે જણાવ્યું હતું કે આમ આદમી પાર્ટીના નેશનલ જોઈન્ટ સેક્રેટરી ઈસુદાન ગઢવીનું મુખ્યમંત્રીના ચહેરા તરીકે જાહેરાત બાદ આમ આદમી પાર્ટીમાં જોડાયો છું. 

કોણ છે ગોવિંદ પરમાર?

ગોવિંદભાઈ પરમાર ફતેપુરા વિસ્તારમાં કોંગ્રેસના અગ્રણી નેતાઓમાં ગણવામાં આવે છે. ગોવિંદ પરમાર ફતેપુરા વિધાનસભામાં કોંગ્રેસના નેતા તરીકે કામ કરતા હતા. તેમના જણાવ્યા મુજબ ઈસુદાન ગઢવીને મુખ્યમંત્રીનો ચહેરો અને આમ આદમી પાર્ટીની દિલ્લીની કામગીરીના કારણે તેઓ આપમાં જોડાવાનો નિર્ણય કર્યો હતો. 

ગુજરાતની ચૂંટણીની તારીખો જાહેર થઈ ગઈ છે. ત્રણેય પાર્ટીઓ પોતાની રીતે ગુજરાતની જનતાને આકર્ષવાનો પ્રયાસ કરી રહ્યા છે. ગત રોજ જ આમ આદમી પાર્ટીમાંથી રાજકોટના ઈન્દ્રનીલ રાજ્યગુરુએ રાજીનામું આપ્યું હતું અને જ્યાંથી આમ આદમી પાર્ટીમાં જોડાયા હતા તે કોંગ્રેસ પાર્ટીમાં જોડાઈ ગયા હતા. આમ આદમી પાર્ટીએ આજે જ 21 ઉમેદવારોનું નવું લિસ્ટ જાહેર કરી દીધું છે ત્યારે ચૂંટણી કેવી રહેશે તે જોવાનું રહેશે.