ગુજરાત વિધાનસભાની ચૂંટણી નજીક છે ત્યારે રાજકારણમાં આયારામ ગયારામ શરૂ થઈ ગયું છે. સુત્રો દ્વારા મળતી માહિતી મુજબ રાજ્ય કોંગ્રેસમાં વધુ એક ગાબડું પડશે. કોંગ્રેસના બે ધારાસભ્યો આજે રાજીનામું આપી શકે છે.  ભાજપના પ્રદેશ પ્રમુખ સી આર પાટીલના સૌરાષ્ટ્ર પ્રવાસ દરમિયાન આ બે ધારાસભ્યો સાથે તેમની ચર્ચા થઈ હતી. 

રાજીનામાંની ચર્ચાથી રાજકારણ ગરમાયું

કોંગ્રેસના ધારાસભ્યોના રાજીનામાની ચર્ચાને કારણે ફરી એકવાર રાજકારણ ગરમાયું છે. જોકે, કયા બે ધારાસભ્યો રાજીનામું આપે છે, તે  આજ સાંજ સુધી સ્પષ્ટ થઈ જશે. આ દરમિયાન જુનાગઢની આસપાસનાં એક ધારાસભ્ય સંપર્ક વિહોણા થતા આશંકા વધુ તેજ બની છે. મળતી માહિતી મુજબ એ બંને ધારાસભ્યો ભાજપમાં જોડાઈ શકે છે.