રાજ્યમાં સતત કોરોનાના કેસમાં ઉછાળો જોવા મળી રહ્યો છે. રાજ્યમાં છેલ્લા 24 કલાક દરમિયાન કોરોનાના નવા કેસ 331 કેસ નોંધાયા છે. જ્યારે આજ સમયગાળા દરમિયાન વધુ 380 દર્દીઓ સારવાર બાદ સાજા થતાં તેમને ડિસ્ચાર્જ કરવામાં આવ્યા છે. રાજ્યમાં આજે કોરોનાના કારણે એક પણ વ્યક્તિનું મોત નિપજ્યું નથી. રાજ્યમાં કોરોનાથી સાજા થવાનો દર 98.98 ટકા નોંધાયો છે. 

કુલ 2042 એક્ટિવ કેસ 

રાજ્યમાં કોરોનાના કુલ 2042 એક્ટિવ કેસ છે. જે પૈકી 06 દર્દીઓની હાલત ગંભીર જણાતા તેમને વેન્ટિલેટર હેઠળ રાખવામાં આવ્યા છે. જ્યારે અન્ય 2036 દર્દીઓની હાલત હાલ સ્થિર છે. આ ઉપરાંત રાજ્યમાં અત્યાર સુધીમાં 12,75,338 લોકોને હોસ્પિટલમાંથી ડિસ્ચાર્જ કરવામાં આવ્યા છે. તો બીજી તરફ અત્યાર સુધીમાં કોરોનાથી કુલ 11072  લોકોએ પોતાનો જીવ ગુમાવ્યો છે. 

રાજ્યમાં ક્યાં કેટલા કેસ નોંધાયા?  

રાજ્યના વિવિધ જિલ્લા અને કોર્પોરેશનોમાં નોંધાયેલા નવા કેસ પર એક નજર કરીએ તો કોરોનાના સૌથી વધુ  127  કેસ તો એકલા અમદાવાદમાંથી નોંધાયા છે. આ ઉપરાંત મહેસાણા-31, વડોદરા કોર્પોરેશન-25, સુરત-22, સુરત  કોર્પોરેશન-21, સાબરકાંઠા-15,ભરૂચ-11,ગાંધીનગર-8, ભાવનગર-7,વલસાડ-7, મોરબી, પાટણ, સુરેન્દ્રનગર-6, અમરેલી, રાજકોટ-4  કેસ નોંધાયા છે.