રાજસ્થાનની માવલ ચેકપોસ્ટ પાસે રાજસ્થાનથી ગુજરાત તરફ જઈ રહેલી કારની ડેકીમાંથી 3.15 કરોડ રૂપિયા નીકળ્યા. બહુચર્ચિત રહેતી બનાસકાંઠાની અમીરગઢ ચેકપોસ્ટ પાસે આવે રાજસ્થાન બૉર્ડર પાસેથી પુરઝડપે ગુજરાત પાર્સીંગની ગાડી પસાર થઇ રહી હતી દરમ્યાન પોલીસે બાતમીના આધારે આ કારને રોકી તેને ચેક કરતા ડેકીમાંથી કરોડો રૂપિયાના બંડલ મળી આવ્યા હતા જે જોઈ પોલીસ પણ ચોંકી ઉઠી હતી કે આ પૈસા કોના છે અને ક્યાં જઈ રહ્યા છે રાજસ્થાન પોલીસે કારમાં સવાર પાટણ જિલ્લાના બે ગુજરાતીઓની પૂછપરછ કરતા સંતોષકારક જવાબ ન મળતા પોલીસે રોકડ રકમ કાર સહીત બંનેની અટકાયત કરી હતી 

રાજસ્થાનમાં વિધાનસભા ચૂંટણીને લઈને પોલીસ એલર્ટ 

રાજસ્થાનમાં આગામી સમયમાં વિધાનસભાની ચૂંટણીઓ આવી રહી છે જેને લઈને રાજસ્થાન પોલીસ એલર્ટ મોડમાં આવી છે રાજસ્થાનમાં ઠેર ઠેર પોલીસ દ્વારા ડ્રાઈવ ચલાવવામાં આવી રહી છે અને સઘન વાહન ચેકીંગ કરવામાં આવી રહી છે જેને લઈને પોલીસને બાતમી મળતા પોલીસે આ કારને રોકી હતી. પોલીસે કલમ 102 હેઠળ 3 કરોડ રૂપિયાની રોકડ જપ્ત કરી અને બે આરોપીઓ, ગુજરાતના સાંતલપુરના રહેવાસી નરેશ કુમાર અને ગુજરાતના કંબોઈ જિલ્લાના રહેવાસી અજીત સિંહની ધરપકડ કરી

આ કરોડો રૂપિયા કોના ?

કરોડો રૂપિયા લઈને રાજસ્થાનથી ગુજરાત આવતી કારને પોલીસે રોકી હતી જેમાં બે વ્યક્તિઓ સવાર હતા પોલીસે તેમને પૂછ્યું કે આ પૈસા કોના છે અને ક્યાંથી લાવ્યા છો ? પંરતુ પોલીસને આ બંને વ્યક્તિઓ પાસેથી સરખો જવાબ ન મળતા પોલીસે બંને વ્યક્તિઓની અટકાયત કરી હતી અત્યારે રાજસ્થાન પોલીસ દ્વારા ઇન્કમ ટેક્ષ વિભાગને જાણ કરી આ કરોડોના બંડલ કોના છે અને ક્યાંથી આવ્યા તે દિશામાં તપાસ હાથ ધરવામાં આવી છે