ફોટો આરોગ્ય અધિકારીનો છે

કૂતરું કરડયા બાદ હડકવાની રસી નહિ લેવાનું જીવલેણ સાબિત થાય છે  જેનો ઉદાહરણ મહેસાણાથી સામે આવ્યું છે મહેસાણામાં રસી ન લેવાના કારણે 21 વર્ષીય પરિણીતાનું મોત થયું છે

મહેસાણા તાલુકાના ભાકડિયા ગામની 21 વર્ષીય મહિલાનો પ્રસૂતિના 24 કલાક બાદ મૃત્યુ થયું છે ડૉક્ટરોના રિપોર્ટ પ્રમાણે પ્રસૂતિ બાદ આ મહિલાને હડકવા ઉપડ્યો હતો જેના કારણે આ મહિલાની મોત થયું હોવાનું સામે આવ્યું છે 

એક વર્ષ પહેલાં કૂતરું કરડ્યું હતું

મહેસાણાના નાગલપુરમાં એક વર્ષ પહેલાં પિયરમાં આવેલી મહિલાને કૂતરું કરડ્યું હતું પંરતુ ઇન્જેક્શન લેવાના ડરથી આ મહિલાએ રસી લીધી નહોતી જેના કારણે આ મહિલાને હડકવા ઉપડ્યો હતો ઉલ્લેખનીય છે કે હડકવાની અસર બાદ તેની અસરકાર કોઈ દવા હોતી નથી 

નાગલપુર વિસ્તારમાં કૂતરું કરડ્યું હોવાની જાણ આરોગ્ય વિભાગને થતા આરોગ્ય વિભાગ દોડતું થઈ ગયું હતું આરોગ્ય વિભાગે આ વિસ્તારમાં સર્વેલન્સની કામગીરી પણ હાથ ધરી હતી વિસ્તારમાં જો કોઈને કૂતરું કરડ્યું હોય તેને તાત્કાલિક અસરથી રસી આપવાની તજવીજ હાથ ધરી છે