.jpg "The News Reporter")
ગુજરાત વિધાનસભાની ચૂંટણીને લઈ ત્રણેય પાર્ટીઓ ભાજપ, કોંગ્રેસ અને આમ આદમી પાર્ટીના નેતાઓ જબરદસ્ત ચૂંટણી અભિયાન ચલાવી રહ્યા છે. આજે કોંગ્રેસે પણ તેના સ્ટાર પ્રચારકોની એક યાદી જાહેર કરી છે. પ્રજાને રિઝવવા માટે કોંગ્રેસ પાર્ટીના આ સ્ટાર પ્રચારકો રાજ્યના વિવિધ ભાગોમાં ચૂંટણી અભિયાન ચલાવશે. કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે કેમ્પેન કમિટીના ચેરપર્સન બન્યાં છે.
કોણ છે કોંગ્રેસના સ્ટાર પ્રચારકો?Congress releases a list of star campaigners for #GujaratElections.
— ANI (@ANI) November 15, 2022
Party chief Malliakrjun Kharge, UPA chairperson Sonia Gandhi, party MP Rahul Gandhi, general secy Priyanka Gandhi Vadra, CMs Ashok Gehlot-Bhupesh Baghel, Sachin Pilot, Jignesh Mevani, Kanhaiya Kumar to campaign. pic.twitter.com/wXr3NAGdcS
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે કેમ્પેન કમિટીના ચેર પર્સન બન્યાં છે. કોંગ્રેસના સ્ટાર પ્રચારકોની વાત કરીએ તો પૂર્વ અધ્યક્ષ સોનિયા ગાંધી, રાહુલ ગાંધી અને મહાસચિવ પ્રિયંકા ગાંધી ગુજરાતમાં કોંગ્રેસનો પ્રચાર કરશે. તે ઉપરાંત રાજસ્થાનના મુખ્યમંત્રી અશોક ગહેલોત, છત્તીસગઢના મુખ્યમંત્રી ભૂપેશ બઘેલ, મધ્યપ્રદેશના બે પૂર્વ મુખ્યમંત્રીઓ દિગ્વિજય સિંહ અને કમલનાથ, હરિયાણાના પૂર્વ મુખ્યમંત્રી ભુપેન્દ્ર સિંહ હુડ્ડા,અશોક ચવાણ, તારીક અનવર, બી.કે હરિપ્રસાદ, મોહન પ્રકાશ, શક્તિસિંહ ગોહિલ, રઘુ શર્મા, જગદીશ ઠાકોર, સુખરામ રાઠવા, સચિન પાયલટ પણ સભાઓ ગજવશે.
