ગુજરાતમાં ભારે વરસાદને કારણે અનેક વિસ્તારોનો પાણીમાં ગરકાવ થઈ ગયો છે.. ભારે વરસાદને કારણે લોકોનું જીવન અસ્ત વ્યસ્ત થઈ ગયું છે. પાણી ભરાઈ ગયા છે જેને કારણે લોકોને ભારે હાલાકીનો સામનો કરવો પડી રહ્યો છે. આગામી દિવસોમાં વરસાદ વરસી શકે છે તેવી આગાહી હવામાન વિભાગ દ્વારા કરવામાં આવી છે. આજ માટે કરેલી આગાહી અનુસાર પંચમહાલ, વડોદરા, છોટા ઉદેપુર, નવસારી, વલસાડ, દમણ અને દાદરા નગર હવેલીમાં રેડ એલર્ટ જાહેર કરવામાં આવ્યું છે. 

26 તારીખ માટે કરવામાં આવેલી આગાહી! 

તે સિવાય જૂનાગઢ, ગીર સોમનાથ, અમરેલી, ભાવનગર, ભરૂચ, નર્મદા, સુરત, તાપી, ડાંગ, મહીસાગર, દાહોદ, આણંદ માટે ઓરેન્જ એલર્ટ જાહેર કરવામાં આવ્યું છે. તે સિવાય દેવભૂમિ દ્વારકા, જામનગર, પોરબંદર, રાજકોટ, બોટાદ સહિતના વિસ્તારો માટે યલો એલર્ટ જાહેર કરવામાં આવ્યું છે. તે સિવાય 26 તારીખ માટે કરવામાં આવેલી આગાહી અનુસાર સુરત, નવસારી, વલસાડ, દમણ તેમજ દાદરા નગર હવેલી માટે ઓરેન્જ એલર્ટ જાહેર કરવામાં આવ્યું છે.. તે સિવાયના અનેક વિસ્તારો માટે યલો એલર્ટ જાહેર કરવામાં આવ્યું છે.

આ તારીખો દરમિયાન અહીંયા પડશે વરસાદ!

27 તારીખ માટે કરવામાં આવેલી આગાહી અનુસાર સુરત, નવસારી,વલસાડ, દમણ, દાદરા નગર હવેલી માટે ઓરેન્જ એલર્ટ જાહેર કરવામાં આવ્યું છે તે સિવાય અનેક વિસ્તારો માટે યલો એલર્ટ જાહેર કરવામાં આવ્યું છે. તે સિવાય 28 તારીખ માટે કરેલી આગાહી અનુસાર અમરેલી, ગીર સોમનાથ, ભાવનગર, ભરૂચ, સુરત, નવસારી, વલસાડ, દમણ, દાદરા નગર હવેલી, સાબરકાંઠા, અરવલ્લી, મહીસાગર માટે યલો એલર્ટ જાહેર કરવામાં આવ્યું છે.

અનેક વિસ્તારોમાં નથી વરસ્યો વરસાદ!

મહત્વનું છે કે સૌરાષ્ટ્ર તેમજ દક્ષિણ ગુજરાતના ભાગોમાં અતિશય વરસાદ વરસ્યો છે જેને કારણે લોકો હેરાન પરેશાન થઈ ગયા છે. વરસાદી પાણી ઘરોમાં ઘૂસી આવ્યા છે અનેક વિસ્તારોમાં. સુરત, કચ્છ, વડોદરા,ભરૂચ જેવા વિસ્તારોથી જે દ્રશ્યો સામે આવ્યા છે તે એકદમ ભયંકર છે. જ્યાં વરસાદ છે ત્યાં અત્યંત ભયંકર વરસાદ છે અને જ્યાં વરસાદ નથી ત્યાં વરસાદની પ્રતીક્ષા લોકો કરી રહ્યા છે.