ગુજરાત ટાઈટન્સના ખેલાડીઓ ગાંધીનગર ખાતે પ્રેક્ટિસ કરતા દેખાયા હતા. મહાત્મા મંદિર પાસે આવેલા મેદાનમાં ગલી ક્રિકેટ રમતાં ખેલાડી દેખાયા હતા. તેમની પ્રેક્ટિસ દરમિયાનનો વીડિયો સોશિયલ મીડિયા પર વાયરલ થઈ રહ્યો છે. સામાન્ય લોકોની જેમ ખેલાડીઓ મેચ રમતા દેખાયા હતા. ગુજરાત ટાઈટન્સના ખેલાડી રાશિદ ખાન, ઓડિયન સ્મિથ અને નૂર અહેમદ હળવાશના પળોમાં ફરવા નીકળ્યા હતા. ત્યારે મહાત્મા મંદિર વિસ્તારોમાં ફરવા નીકળ્યા હતા તે દરમિયાન ગલીમાં ક્રિકેટ રમી રહેલા યુવાનો તેમને દેખાયા અને તેમની સાથે ક્રિકેટરોએ મેચ રમી હતી. તેમનો વીડિયો સોશિયલ મીડિયા પર વાયરલ થઈ રહ્યો છે.

ગલી ક્રિકેટ રમતા જોવા મળ્યા ગુજરાત ટાઈટન્સના ખેલાડી!

અમદાવાદના નરેન્દ્ર મોદી સ્ટેડિયમ ખાતે આઈપીએલની મેચ રમાઈ હતી. અનેક દર્શકોએ મેચને નિહાળી હતી. ત્યારે ગુજરાત ટાઈટન્સના ખેલાડીઓ ફરી એક વખત ચર્ચામાં આવ્યા છે. ગાંધીનગરના મહાત્મા મંદિર ખાતે ખેલાડીઓ મેચ સામાન્ય લોકો સાથે રમતા દેખાયા હતા. ગુજરાત ટાઈટન્સના ખેલાડી રાશિદ ખાન, ઓડિયન સ્મિથ અને નૂર અહેમદ હળવાશના પળોમાં ફરવા નીકળ્યા હતા. ખેલાડીઓ સામાન્ય વ્યક્તિની જેમ નજીકમાં ક્રિકેટ રમી રહેલા યુવાનો સાથે મેચ રમી હતી. યુવાનોને મેચ રમતા જોઈને ક્રિકેટરો પોતાને રોકી શક્યા ન હતા. આ વીડિયો સોશિયલ મીડિયા પર વાયરલ થઈ રહ્યો છે. આ મેચ સિવાય પણ ખેલાડીઓનો વધુ એક વીડિયો વાયરલ થયો છે જેમાં તેઓ સ્વિમિંગ પુલમાં વોલિબોલની પણ મજા માણતા દેખાયા હતા.      

સોશિયલ મીડિયા પર વાયરલ થઈ રહ્યો છે વીડિયો!

આઈપીએલને જોવાનો ક્રેઝ લોકોમાં જોવા મળી રહ્યો છે. હજારોની ટિકિટ ખર્ચીને ખેલાડીઓને જોવા માટે લોકો જતા હોય છે. પરંતુ આ યુવાનો સાથે તો રમવા ખુદ ખેલાડીઓ સામેથી આવ્યા હતા. ખેલાડીઓને અચાનક પોતાની સામે જોતા યુવાનો અચંબિત થઈ ગયા હતા. યુવાનોએ ખેલાડીઓનો વીડિયો ઉતારી લીધો હતો. આ વીડિયો ઝડપથી સોશિયલ મીડિયા પર વાયરલ થઈ રહ્યો છે.