કમોસમી વરસાદને લઈ આગાહી કરવામાં આવી હતી. ત્યારે અમદાવાદના અનેક વિસ્તારોમાં ધોધમાર વરસાદ વરસવાની શરૂઆત થઈ ગઈ છે. એસજી હાઈવે, બોડકદેવ, વેજલપુર, ચાંદખેડા સહિત અનેક વિસ્તારોમાં કડાકા ભડાકા સાથે વરસાદ વરસી રહ્યો છે. મહત્વનું છે કે 28 અને 29મે માટે વરસાદની આગાહી કરવામાં આવી હતી. પ્રહલાદનગર, સરખેજ, બોપાલ સહિત અનેક વિસ્તારોમાં વરસાદ વરસી રહ્યો છે. અમદાવાદ ખાતે આઈપીએલની મેચ રમાઈ રહી છે. ગુજરાત ટાઈટન્સ અને મુંબઈ ઈન્ડિયન્સ વચ્ચે મેચ રમાવાની છે. ત્યારે આ વરસાદને કારણે મેચમાં વિધ્ન આવી શકે છે. આગામી ત્રણ કલાક સુધી વરસાદની આગાહી કરવામાં આવી છે.      

કડાકા ભડાકા સાથે વરસાદ વરસવાની કરાઈ આગાહી!

ગુજરાત હવામાન વિભાગની આગાહી મુજબ ગુજરાતના કેટલાક ભાગોમાં વરસાદ વરસવાની સંભાવના વ્યક્ત કરવામાં આવી છે. મનોરમા મોહંતીના જણાવ્યા અનુસાર તારીખ 28 મે  અને 29 મેના રોજ લોકસ કન્વેક્ટિવિટી અને વેસ્ટર્ન ડિસ્ટરબન્સને કારણે વરસાદની આગાહી કરવામાં આવી છે. કેટલાક ભાગોમાં કડાકા ભડાકા સાથે વરસાદ થશે. રાજકોટ, ભાવનગર, પોરબંદર, જૂનાગઢ, મહેસાણા, બનાસકાંઠા, પાટણ, અમરેલી, બોટાદ, વડોદરા. ભરૂચના કેટલાક વિસ્તારોમાં માવઠું વરસી શકે છે. તે સિવાય માછીમારોને પણ દરિયો ન ખેડવા સૂચના આપી દેવામાં આવી છે.