.jpg "The News Reporter")
જામનગરમાં ભાજપના કોર્પોરેટરના પુત્રની એક દારૂ કૌભાંડમાં ધરપકડ કરવામાં આવી છે. કુલ ૧૯ ગંભીર ગુનાઓ જેની પર લાગેલા છે તેવો રીઢો આરોપી હિતેશ ઉર્ફે વાંગો નરશીભાઇ બાંભણીયા ને ચોટીલાની લાલા રઘુવંશી હોટલ નજીક થી ઝડપી પાડવામાં આવ્યો છે. જેનાથી જામનગરમાં ફરી એકવાર રાજકીય માહોલ ગરમાઈ ગયો છે. આ વાન્ગો બામભણીયા હત્યા અને મારામારીના કેસમાં સંડોવણી ધરાવે છે. વાન્ગો બામભણીયાના માતા મંજુબેન બામભણીયા જામનગર શહેરમાં વોર્ડ નંબર ૧૦માંથી ભાજપમાંથી કોર્પોરેટર છે.
રાજકોટ રેન્જ IG નિર્લિપ્ત રાયની ટીમને એક મોટી સફળતા હાંસિલ થઇ છે. મોરબીના વાંકાનેર તાલુકા પોલીસ સ્ટેશનમાં પકડાયેલ બે કરોડ ના ઇંગ્લીશ દારૂના ગુન્હામાં નાસતો-ફરતો ફરાર શખ્સ જેનું નામ છે હિતેશ ઉર્ફ વાન્ગો નરશીભાઈ બામભણીયાને પોલીસે ઝડપી પાડયો છે. આ વાન્ગો બામભણીયા હત્યા અને મારામારી સહીત ગંભીર ગુનાઓમાં સંડોવણી ધરાવે છે સાથે જ તેની પર ૧૯ ગુના દાખલ થઇ ચુક્યા છે. આ વાન્ગો બામભણીયાને ચોટીલા લાલા રઘુવંશી હોટલ નજીક થી ઝડપી પાડવામાં આવ્યો છે. રાજકોટ રેન્જ આઇ.જી નિર્લિપ્ત રાય દ્રારા રાજકોટ રેન્જ હસ્તક ના જિલ્લાઓમાં ગુન્હો કર્યા બાદ નાસતા-ફરતા આરોપીઓને શોધી કાઢવા સુચના આપી હતી જેને લઇ રાજકોટ રેન્જ ના પીઆઇ અપૂર્વ પટેલ ના માર્ગદર્શન હેઠળ પીએસઆઇ પૃથ્વીરાજસિંહ મોરી તથા પીએસઆઇ ચંદ્રેશકુમાર કાંટેલીયા સ્ટાફ દ્રારા નાસતા ફરતા ગુનેગારોને શોધી કાઢવા તપાસમાં હતા.
આ દરમ્યાન રાજકોટ રેન્જ IGની ટીમને બાતમી મળતા , વાન્ગો બામભણીયાને ચોટીલા લાલા રઘુવંશી હોટલની બાજુમાં નગીન હોટલ પાસે જાહેર રોડ ઉપર થી પકડી પાડી વાંકાનેર તાલુકા પોલીસ સ્ટેશન ના હવાલે કરવામાં આવ્યો છે . આ વાન્ગો બામભણીયા પર મોરબીના વાંકાનેર તાલુકા પોલીસ સ્ટેશનમાં ગુના નં.૦૨૪૪/૨૦૨૬ પ્રોહી.કલમ ૬૫ (એ,ઇ), ૧૧૬ (બી), ૮૧, ૮૩, ૯૮( ૨) હેઠળ ગુનો નોંધાયેલો છે. આ કામગીરીમાં રાજકોટ રેન્જ આઇ.જી નિર્લિપ્ત રાય ના નેતૃત્વ હેઠળ આર.આર.સેલ ના પીઆઇ અપૂર્વ પટેલ ની સુચના થી પીએસઆઇ પૃથ્વીરાજસિંહ મોરી તથા પીએસઆઇ ચંદ્રેશકુમાર કાંટેલીયા સહિત સ્ટાફ ના સંદિપસિંહ ઝાલા, કાસમભાઇ બ્લોચ, કમલેશભાઇ રબારી, મીતેષભાઇ પટેલ દ્વારા કરવામાં આવેલ હતી.
