આજે ક્રિકેટના મેદાન પર ભારત અને પાકિસ્તાન વચ્ચે બ્લોકબસ્ટર મેચ રમાઈ રહી છે. મેચમાં પાકિસ્તાનના કેપ્ટન બાબર આઝમે ટોસ જીતીને પ્રથમ બોલિંગ કરવાનો નિર્ણય કર્યો હતો. એશિયા કપમાં ભારત અને પાકિસ્તાન બીજી વખત આમને સામને થવા જઈ રહ્યા છે. અગાઉ, બંને પાડોશી દેશો ગ્રુપ મેચમાં પણ ટકરાયા હતા, જોકે તે મેચ વરસાદને કારણે અનિર્ણિત રહી હતી. જો કે, આ મેચમાં પણ વરસાદની આગાહી કરવામાં આવી છે, જો આજે વરસાદના કારણે કોઈ પરિણામ નહીં આવે તો મેચ રિઝર્વ ડે (11 સપ્ટેમ્બર)માં જશે.

ASIA CUP 2023. WICKET! 17.5: Shubman Gill 58(52) ct Agha Salman b Shaheen Afridi, India 123/2 https://t.co/kg7Sh2t5pM #INDvPAK

— BCCI (@BCCI) September 10, 2023

રાહુલ અને વિરાટ કોહલી મેદાન પર  

ભારત તરફથી કેપ્ટન રોહિત શર્મા અને શુભમન ગિલે શાનદાર બેટિંગ કરતા પહેલી વિકેટ માટે 100+ રનની ભાગીદારી નોંધાવી હતી. બન્ને ખેલાડીએ ભારતને મજબૂત શરૂઆત અપાવી હતી અને અડધી-અડધી સદી ફટકારી હતી. ગિલ 52 બોલમાં 58 રન અને રોહિત શર્મા 49 બોલમાં 56 રન ફટકાર્યા હતાં. જો કે રોહિત શર્મા બાદ શુભમન ગિલ પણ આઉટ થયો છે, બન્ને ખેલાડી પવેલિયન ભેગા થતાં ટીમ ઈન્ડિયા દબાણ હેઠળ આવી છે, હાલ કે એલ રાહુલ અને વિરાટ કોહલી મેદાન પર છે.

ભારતની પ્લેઈંગ ઈલેવન: રોહિત શર્મા (કેપ્ટન), શુભમન ગિલ, વિરાટ કોહલી, કેએલ રાહુલ, ઈશાન કિશન (વિકેટકીપર), હાર્દિક પંડ્યા, શાર્દુલ ઠાકુર, રવિન્દ્ર જાડેજા, કુલદીપ યાદવ, જસપ્રિત બુમરાહ, મોહમ્મદ સિરાજ.

ભારતની બેટિંગ શરૂ

ભારતીય ટીમની બેટિંગ શરૂ થઇ ગઇ છે, કેપ્ટન રોહિત શર્મા અને યુવા બેટ્સમેન શુભમન ગીલ અત્યારે ઓપનિંગ કરી રહ્યાં છે. ભારત અને પાકિસ્તાન વચ્ચે આ એશિયા કપ 2023માં બીજી વનડે મેચ છે, પ્રથમ વનડેમાં વરસાદી વિઘ્ન નડ્યુ હતુ. પાકિસ્તાન સામેની વનડેમાં નિષ્ફળ રહેલા રોહિત શર્મા અને શુભમન ગીલ કેવો કમાલ કરે છે  તેના પર આજે સૌની નજર રહેશે. 3 ઓવર બાદ ભારતીય ટીમનો સ્કોર 23 રન થયા છે. ભારતીય ઓપનર્સ રોહિત શર્મા અને શુભમન ગિલ શરુઆતથી જ પાકિસ્તાની બોલર્સને હંફાવી રહ્યા છે. રોહિત શર્મા 10 રન અને ગિલ 13 રન સાથે રમી રહ્યા છે. શાહીનની ઓવરમાં શુભમન ગિલે 4 ચોગ્ગા ફટકાર્યા છે.

(આ મેચ સંબંધિત દરેક મોટા અપડેટ માટે અમારી સાથે જોડાયેલા રહો. અમે તમને મેચ હાઇલાઇટ્સ, લાઇવ સ્કોર્સ, રસપ્રદ વિડિઓઝ બતાવવાનું ચાલુ રાખીશું, પેજ રિફ્રેશ કરતા રહો.)