શિસ્ત માટે જાણીતા રાજકોટ રેન્જના IG નિર્લિપ્ત રાય દ્વારા આજે રાજકોટ જિલ્લાના પડધરીમાં એક ખુબ કડક કાર્યવાહી કરવામાં આવી છે. જેમાં , પડધરીના કેસમાં તાત્કાલિક ધોરણે ૨ PI , PSI અને ASIને સસ્પેન્ડ કરી નાખવામાં આવ્યા છે. પડધરીમાં દુષ્કર્મના કેસમાં આરોપીઓ બે વર્ષથી વધારે સમય માટે ફરાર હતા. ૨ વર્ષ જેટલો લામ્બો સમય થયો હોવા છતાં આરોપીઓને પકડવામાં પોલીસની ઘોર બેદરકારી સામે આવી હતી. આ કારણે , રેન્જ IG નિર્લિપ્ત રાય દ્વારા પોલીસ કર્મીઓને સસ્પેન્ડ કરવામાં આવ્યા છે. 

રાજકોટ જિલ્લામાં રેન્જ IG નિલિપ્ત રાયની એક કાર્યવાહીથી સમગ્ર પોલીસ બેડામાં જબરદસ્ત ફફડાટ વ્યાપી ગયો છે. જિલ્લાના પડધરી તાલુકાના એક ગામમાં દુષ્કર્મ પીડિતાના પિતા જેમનું નામ છે યુવરાજસિંહ અનિરુદ્ધસિંહ જાડેજા તેમની બુધવારે રાત્રે , ખાખડાબેલા ગામની નજીક જીવ લઇ લેવામાં આવ્યો. આ ઘટનાને અંજામ આપનાર ત્રણ આરોપીઓ વિરુદ્ધ પોક્સો અને દુષ્કર્મની ફરિયાદ બે વર્ષ પહેલા નોંધાઈ હતી. આ આરોપીઓ છેલ્લા બે વર્ષથી ફરાર હતા અને મૃતકને સમાધાન કરવા માટે વારંવાર કહી રહ્યા હતા. જો આ વોન્ટેડ આરોપીઓને પોલીસે સમયસર ઝડપી લીધા હોત તો , કદાચ આ બનાવ ના બન્યો હોત. આ ઘટનાએ પોલીસની ગંભીર બેદરકારી લોકો સમક્ષ મૂકી દીધી છે .

બુધવારે રાત્રે , જે ખાખડાબેલા ગામે જે ઘટના બની તેમાં રાજકોટ ગ્રામ્ય LCBની ટીમે તપાસનો ધમધમાટ શરુ કર્યો છે. પોલીસની પ્રાથમિક તપાસમાં બહાર આવ્યું છે કે, મૃતક યુવરાજસિંહે વર્ષ ૨૦૨૪માં પડધરી પોલીસ મથકમાં મહેન્દ્રસિંહ રણજિતસિંહ જાડેજા અને યશપાલસિંહ રસિકસિંહ જાડેજા અને અજયસિંહ વિરુદ્ધ દુષ્કર્મ અને POKSOની ફરિયાદ નોંધાવી હતી. આ ગુનામાં અજયસિંહ જેલમાં છે અને મહેન્દ્રસિંહ અને યશપાલસિંહ ફરાર છે. આ ફરાર આરોપીઓ વખતોવખત મૃતક યુવરાજસિંહ જાડેજાને સમાધાન કરવા માટે દબાણ કરતા હતા. આ ઉપરાંત તેઓ બે વર્ષથી ફરાર હતા , પોલીસ પકડી નહોતી શકી આ કારણે હવે , રાજકોટ રેન્જના IG નિર્લિપ્ત રાય દ્વારા પડધરી પોલીસ મથકના તત્કાલીન PI S N પરમાર , અન્ય એક પોલીસ અધિકરી H N રાઠોડ , PSI જે જે વાળા , ASI  બી એમ જાડેજાને સસ્પેન્ડ કરી દેતા પોલીસ બેડામાં સોપો પડી ગયો છે . જો કદાચ પોલીસ દ્વારા સમયસર કાર્યવાહી કરવામાં આવી હોત તો , આ ગુનો ના બન્યો હોત.  હવે , વાત કરીએ , PI S N પરમારની , તાજેતરમાં જ લોધીકા પોલીસ મથકની હદમાંથી દારૂ પ્રકરણમાં તેમને ૧૫ દિવસ પહેલા સસ્પેન્ડ કરવામાં આવ્યા છે. હવે પડઘરીની ઘટનામાં પણ તેમની ઘોર બેદરકારી સામે આવતા , તેમને ફરી સસ્પેન્ડ કરવામાં આવ્યા છે. કોઈ અધિકારીને રી સસ્પેન્ડ કરવામાં આવ્યા હોય તેવી કદાચ આ પ્રથમ ઘટના છે .  હવે પડધરીના કેસની વાત કરીએ તો , આરોપીઓને ઝડપી લેવા માટે , સ્થાનિક પોલીસ ઉપરાંત LCB PI જે પી રાવની રાહબરી હેઠળ LCBની ટીમ તથા SOG PI એફ એ પારગીની રાહબરી હેઠળ ટીમ તપાસમાં લાગેલી છે.