જુનિયર ક્લાર્કની પરીક્ષાનું પેપર લીક થવાની ઘટનાના સમગ્ર રાજ્યમાં પડઘા પડ્યા છે. રાજ્યની ભાજપ સરકાર સામે પરીક્ષાર્થીઓમાં ભારોભાર આક્રોશ જોવા મળી રહ્યો છે. પરીક્ષા માટે તૈયારી કરતા ઉમેદવારો ઠેર-ઠેર વિરોધ પ્રદર્શનો કરી રહ્યા છે. જો કે હવે સરકારે આગામી 100 દિવસમાં જ દિવસમાં નવેસરથી પરીક્ષા યોજવાની જાહેરાત કરી છે. 

પંચાયત સેવા પસંદગી મંડળે કરી જાહેરાત

જુનિયર ક્લાર્કની પરીક્ષાનું પેપર રદ થતાં નવી પરીક્ષાની તારીખ માટે પંચાયત સેવા પસંદગી મંડળે સ્પષ્ટતા કરી છે. નવી તારીખ ટૂંક સમયમાં જ જાહેર કરવાની માહિતી આપી છે. ઉમેદવારોનો રોષ જોઈ ડરી ગયેલા પંચાયત સેવા પસંદગી મંડળે નવેસરથી પરીક્ષા યોજવાની ઘોષણા કરી છે. પંચાયત સેવા પસંદગી મંડળે પરીક્ષા આગામી 100 દિવસમાં જ અંદર જ લેવાની જાહેરાત કરી છે. અત્રે ઉલ્લેખનિય છે કે આજે રાજ્યમાં જુનિયર ક્લાર્કની પરીક્ષાનું પેપર લીક થઇ જતાં પરીક્ષા મોકુફ રાખવાની જાહેરાત કરાઇ છે. ગુજરાત ATSએ 15થી વધુ લોકોની અટકાયત કરી છે અને નાયક નામના એક શખ્સની ધરપકડ કરવામાં આવી છે.