જમ્મુ અને કાશ્મીરમાં પોલીસે તાજેતરમાં પત્રકારોને આપવામાં આવેલી ધમકી સંબંધિત કેસની તપાસના સંદર્ભમાં શ્રીનગર, અનંતનાગ અને કુલગામમાં 10 સ્થળોએ મોટાપાયે સર્ચ શરૂ કર્યું હતું. કાશ્મીર ઝોન પોલીસે આ જાણકારી આપી છે. વધુ વિગતોની રાહ જોવાઈ રહી છે.

આતંકી સંગઠને હિટ લિસ્ટ જાહેર કર્યું હતું

મંગળવારે આતંકવાદી સંગઠન ધ રેઝિસ્ટન્સ ફ્રન્ટ (TRF) દ્વારા કાશ્મીરના પત્રકારોનું હિટ લિસ્ટ જાહેર કરવામાં આવ્યું હતું. તેઓને પરિણામની ચેતવણી આપવામાં આવી હતી. રાષ્ટ્રીય પત્રકારત્વ દિવસની પૂર્વ સંધ્યાએ મોકલવામાં આવેલી ચેતવણીને મીડિયા સંસ્થાઓએ પ્રેસ પર હુમલો અને કાળો દિવસ ગણાવ્યો હતો. સોશિયલ મીડિયા પર પત્રકારોના નામની આગળ, તેમને શા માટે ધમકી આપવામાં આવી હતી તે સમજાવવામાં આવ્યું હતું. કહેવાય છે કે આતંકવાદીઓના ખતરાથી ડરીને કેટલાક પત્રકારોએ ફેસબુક પર પોતાના રાજીનામા આપી દીધા છે અને કેટલાક જમ્મુ ચાલ્યા ગયા છે.

J&K | Massive searches in connection with investigation of case related to recent threat to journalists started by Police at 10 locations in Srinagar, Anantnag and Kulgam. Details shall be followed: Kashmir Zone Police

— ANI (@ANI) November 19, 2022

TRFની ધમકી બાદ પત્રકારોની સુરક્ષા વધી

આતંકવાદી સંગઠન દ્વારા ઘાટીના પત્રકારોને ધમકી આપ્યા બાદ પોલીસે મામલાની તપાસ તેજ કરી છે. આ સાથે જ પત્રકારોની સુરક્ષા વધારી દેવામાં આવી છે. TRF સાથે સંકળાયેલા 12 લોકોની પૂછપરછ માટે અટકાયત કરવામાં આવી હતી. પોલીસના જણાવ્યા અનુસાર આ બધા પાછળ પાકિસ્તાનમાં બેઠેલા TRF કમાન્ડર સજ્જાદ ગુલનું નામ સામે આવી રહ્યું છે. આ માટે આજે વિવિધ સ્થળોએ દરોડા પાડવામાં આવ્યા છે.