મહીસાગર જિલ્લામાં 16 વર્ષની સગીરા પર થયેલા દુષ્કર્મના કેસમાં જિલ્લા કોર્ટે આરોપીને 20 વર્ષની સજા ફટકારી છે. સંતરામપુર તાલુકાના નાનસલાઈ ગામના આરોપી મુકેશભાઈ રમેશભાઈ માલીવાડને કોર્ટે ફટકારી સજા ઉપરાંત રૂ. 3 લાખનો દંડ ચૂંકવવાનો આદેશ કર્યો છે.

પોકસો એક્ટ હેઠળ કાર્યવાહી

મહીસાગર જિલ્લામાં 16 વર્ષની સગીરાને લગ્નની લાલચે લલચાવી ફોસલાવી આરોપી ભગાડી ગયો હતો. આરોપીએ 16 વર્ષની સગીરા પર વારંવાર બળાત્કાર ગુજાર્યો હતો. જો કે ત્યાર બાદ આરોપી વિરુદ્ધ સંતરામપુર પોલીસ મથકમાં વર્ષ 2020 માં પૉક્સો એક્ટ હેઠળ ફરિયાદ  નોંધાઈ હતી. આરોપી મુકેશભાઈ રમેશભાઈ માલીવાડની પોલીસે ધરપકડ કરી હતી.

કોર્ટે ફટકારી આકરી સજા

બળાત્કારના આરોપીને કોર્ટે 20 વર્ષની આકરી સજા સંભળાવવાની સાથે-સાથે ભોગ બનનાર સગીરાને મહીસાગર જિલ્લા કાનૂની સેવા સત્તા મંડળને ત્રણ લાખ રૂપિયા ચૂકવવા આદેશ કર્યો હતો.