નોઈડાની દિવાલ ધરાશાયી નોઈડાના સેક્ટર-21માં મંગળવારે એક મોટી દુર્ઘટના થઈ. અહીં નાળાને અડીને આવેલી બાઉન્ડ્રી વોલ ધરાશાયી થતાં ચાર લોકોના મોત થયા હતા. આ અકસ્માતમાં અનેક લોકો ઘાયલ થયા છે. ઘટનાસ્થળે બચાવ કામગીરી ચાલી રહી છે.

નોઈડાના સેક્ટર-20 કોતવાલી વિસ્તારના સેક્ટર-21માં બાઉન્ડ્રી વોલ ધરાશાયી થતાં ચાર લોકોના મોત થયા છે. દુર્ઘટનામાં કાટમાળ નીચે અનેક લોકો દટાયા હોવાના અહેવાલ 

માહિતી મળતા પોલીસ પહોંચી અને કાટમાળ નીચે ફસાયેલા લોકોને બહાર કાઢવાનું કામ શરૂ કર્યું. અત્યાર સુધીમાં 9 લોકોને બચાવી લેવાયા છે. સ્થળ પર લોકોની ભીડ એકઠી થઈ ગઈ છે. 

ઘટના ત્યારે બની જ્યારે બાઉન્ડ્રી વોલનું સમારકામ ચાલી રહ્યું હતું. બે લોકોના કૈલાશ હોસ્પિટલમાં અને બે લોકોના જિલ્લા હોસ્પિટલમાં મોત થયા હતા.

જિલ્લા મેજીસ્ટ્રેટ ઘટના સ્થળે પહોંચી ગયા હતા

દુર્ઘટનાની માહિતી મળતાં જ ગૌતમ બુદ્ધ નગર જિલ્લા મેજિસ્ટ્રેટ સુહાસ એલવાય, એડીસીપી આશુતોષ દ્વિવેદી, જોઈન્ટ પોલીસ કમિશનર લવ કુમાર અને ડીસીપી હરીશ ચંદર અને અન્ય અધિકારીઓ ઘટનાસ્થળે પહોંચી ગયા છે. 

કાટમાળ હટાવવા માટે 4 જેસીબી તૈનાત

આ ઘટના મંગળવારે સવારે 10 વાગ્યાની આસપાસ બની હતી. કાટમાળ હટાવવા માટે ચાર જેસીબી મશીન મુકવામાં આવ્યા છે.