થોડા દિવસો પહેલા કડકડતી ઠંડીનો અનુભવ રાજ્યના લોકો કરી રહ્યા હતા.  ત્યારે હાલના દિવસોમાં ઠંડીનું પ્રમાણ એકાએક ઘટી ગયું છે. હવામાન વિભાગની આગાહી પ્રમાણે ઠંડીનું પ્રમાણ ફેબ્રુઆરી સુધી રહેશે જ્યારે માર્ચ મહિનામાં ગરમીનો અહેસાસ થશે. ગરમીનું જોર વધવાનું શરૂ થશે. ગઈ કાલે ગરમીના પ્રમાણમાં એકાએક વધારો થયો છે. 

આવનાર દિવસોમાં વધશે ગરમીનું પ્રમાણ 

રવિવારથી રાજ્યના તાપમાનમાં ધરખમ વધારો નોંધાયો છે. કડકડતી ઠંડીમાંથી લોકોને એકાએક ગરમીનો અહેસાસ લોકોને થઈ રહ્યો હતો. વેસ્ટર્ન ડિસ્ટર્બન્સને કારણે ભેજવાળું વાતવરણ પણ રહ્યું હતું. ત્યારે વાતાવરણને લઈ હવામાન વિભાગે આગાહી કરી છે તાપમાનમાં વધારો થતા સમગ્ર રાજ્યમાં ઠંડીમાંથી આંશિક રાહત મળી છે. ફેબ્રુઆરીના અંતિમ ભાગથી ઠંડીનું પ્રમાણ ઘટતું જશે અને ગરમીનું જોર વધવાનું શરૂ થશે. 

અનેક વિસ્તારોમાં રહેશે વાદળછાયું વાતાવરણ

હવામાન વિભાગની આગાહી પ્રમાણે હજી-બે ત્રણ દિવસ વેસ્ટર્ન ડિસ્ટર્બન્સને કારણે રાજ્યના કેટલાક વિસ્તારોના વાતાવરણમાં ભેજ વધી શકે છે. અમદાવાદનું તાપમાન 13.1 ડિગ્રી નોંધાયું હતું સાથે જ નલિયાનું તાપમાન 12 ડિગ્રી નોંધાયું હતું. જ્યારે વડોદરામાં 14 ડિગ્રી તાપમાન નોંધાયું હતું.