.jpg "The News Reporter")
પોલીસ સાથે ઘર્ષણના અનેક સમાચારો સામે આવતા હોય છે. ઘણી વખત સામાન્ય માણસને પોલીસ હેરાન પરેશાન કરી દેતી હોય છે. સૌથી મોટો પ્રશ્ન પાર્કિંગને લઈને થતો હોય છે. ત્યારે સોશિયલ મીડિયા પર રાધનપુરના ધારાસભ્ય લવિંગજી ઠાકોરનો વીડિયો વાયરલ થઈ રહ્યો છે જેમાં ધારાસભ્યનું પોલીસ સાથે ઘર્ષણ થયું છે. પાર્કિગની વાતને લઈને બબાલ થઈ હતી. જે વીડિયો સામે આવ્યો છે તેમાં તે કહી રહ્યા છે કે 'સરકારી માણસ છું , ગાડીનું બોર્ડ તો જુઓ'.
ધારાસભ્ય લવિંગ ઠાકોરનો વીડિયો થયો વાયરલ!
ગુજરાતમાં યોજાયેલ વિધાનસભાની ચૂંટણીમાં ભાજપે 182માંથી 156 સીટ મેળવી હતી. ભાજપે ઐતિહાસિક જીત હાંસલ કરી છે. ત્યારે ધારાસભ્યો દ્વારા કરવામાં આવતી દાદાગીરી અથવા તો રોફ જમાવતા અનેક વીડિયો સામે આવતા રહે છે. ત્યારે રાધનપુરના ભાજપના ધારાસભ્ય લવિંગજી ઠાકોરનો વીડિયો સામે આવ્યો છે જેમાં પોલીસ સાથે તેમનું ઘર્ષણ થઈ રહ્યું છે. પાર્કિંગ બાબતે પોલીસ અને લવિંગ ઠાકોર વચ્ચે બોલાચાલી થઈ હતી. વીડિયોમાં ધારાસભ્યે કહ્યું કે સરકારી માણસ છું, ગાડીનું બોર્ડ તો જુઓ. તો પોલીસ વાળા કહી રહ્યા છે કે મારા માટે તો બધા જ સરખા હોય. ત્યારે આ મામલે તમારૂ શું કહેવું છે?
