.jpg "The News Reporter")
ભાજપને પ્રચંડ જીત મળવાને કારણે ભાજપના કાર્યકરો તેમજ વિજેતા ઉમેદવારો અતિ આનંદિત થઈ ગયા છે. જીત મેળવ્યા બાદ વિજેતા ઉમેદવારો વિજય યાત્રા નિકાળી જીતનું જશ્ન મનાવતા હોય છે. ત્યારે સોશિયલ મીડિયા પર એક વીડિયો વાયરલ થયો છે જેમાં પાદરાના ભાજપના ઉમેદવાર ચૈતન્યસિંહ ઝાલા જાહેરમાં હવામાં ફાયરિંગ કરતા નજરે પડે છે.
પ્રચંડ જીત બાદ પાદરાના ભાજપના ધારાસભ્ય ચૈતન્યસિંહ ઝાલાએ વિજય સરઘસમાં કર્યું શક્તિ પ્રદર્શન
— Jamawat (@Jamawat3) December 9, 2022
.#bjp #jamawat #election #chaitanyazala #vijaysargas pic.twitter.com/gdLduVkrEJ
હવામાં ગોળીબાર કરતો વીડિયો વાયરલ
પોતાની ખુશી વ્યક્ત કરવા ઉમેદવારો પોતાના સમર્થકો તેમજ કાર્યકરો સાથે વિજય સરઘસ નિકાળતા હોય છે. ત્યારે ભાજપના વિજેતા ઉમેદવાર ચૈતન્યસિંહ ઝાલાનો એક વીડિયો સામે આવ્યો છે જેમાં જાહેરમાં હવામાં ગોળીબાર કરી રહ્યા છે. હવામાં ફાયરિંગ કરાતો વીડિયો વાયરલ થઈ રહ્યો છે.
અનેક સીટો પર ભાજપનો દબદબો
ગુજરાત વિધાનસભા ચૂંટણીનું પરિણામ જાહેર થતા ભાજપે ઐતિહાસિક જીત હાંસલ કરી છે. આ વખતે ભાજપે જૂના બધા રેકોર્ડ તોડી દીધા છે. આ જીતને કારણે નેતાઓ, કાર્યકરો તેમજ વિજેતા ઉમેદવારોની ખુશીનો પાર નથી રહ્યો. 182 સીટોમાંથી ભાજપે 156 સીટો મેળવી છે. ભાજપના અનેક ઉમેદવારો વિજેતા બન્યા છે. 2017માં પાદરાની સીટ કોંગ્રેસ પાસે હતી. 2012થી આ બેઠક કોંગ્રેસના કબજામાં હતી. ત્યારે આ વખતે ભાજપના ઉમેદવારની જીત થતા તેઓ ભાન ભૂલી ગયા હોય તેવું લાગી રહ્યું છે.
