રાહુલ ગાંધી હાલ ભારત જોડો યાત્રા કરી રહ્યા છે. કન્યાકુમારીથી કાશ્મીર સુધીની આ યાત્રા અનેક રાજ્યોથી પસાર થઈ રહી છે. ત્યારે હાલ આ યાત્રા મધ્યપ્રદેશ પહોંચી છે. આ યાત્રા દરમિયાન રાહુલ ગાંધીના અનેક વીડિયો સામે આવતા રહે છે. આ વખતે એક વીડિયો સામે આવ્યો છે જેમાં તેઓ બાઈક ચલાવતા નજરે પડે છે. આ અગાઉ તેઓ દેવી નર્મદાની આરતી કરતા નજરે પડ્યા હતા.

નર્મદા નદીની આરતી કરતો વીડિયો કર્યો શેર 

રાહુલ ગાંધીની આ યાત્રા હાલ મધ્યપ્રદેશ પહોંચી છે. આ યાત્રામાં રાહુલ ગાંધીની સાથે પ્રિયંકા ગાંધી પણ જોડાઈ છે. મધ્ય પ્રદેશને દેવી નર્મદા(નદી)નું ઉત્પન્ન સ્થાન ગણવામાં આવે છે. નર્મદા નદીની આરતી દરમિયાન તેમના લૂક ચર્ચાનું કેન્દ્ર બન્યો હતો. તેમણે ખેસ પહેર્યો હતો અને માથા પર પાઘડી પહેરી હતી. આરતી ઉપરાંત ઘાટ પર બેસી પૂજા પણ કરી હતી.