.jpg "The News Reporter")
ગુજરાતમાં વધી રહેલી હાર્ટ એટેકની ઘટનાઓ ચિંતાનો વિષય બની છે, કોરોના કાળ બાદ તો યુવાનો પણ હાર્ટ એટેકનો ભોગ બની રહ્યા છે. સુરતમાં વધુ એક હાર્ટ એટેકની ઘટના સામે આવી છે. સુરતના ખટોદરા વિસ્તારમાં બાઇક પાછળ બેઠેલા 42 વર્ષના કાનજી સિંહ રાજપુત નામના વ્યક્તિનું મોત નીપજ્યું છે. રાજસ્થાનનો આ વેપારી ત્રણ દિવસ પહેલા જ રાજસ્થાનથી સુરત આવ્યો હતો. આ યુવાન સુરતથી કાપડ લઈને રાજસ્થાનમાં વેચતો હતો. હાર્ટ એટેક બાદ યુવકને બેભાન અવસ્થામાં તેને હોસ્પિટલમાં લઈ જવાયો હતા. જો કે તબીબે અહીં તેમને મૃત જાહેર કર્યો હતો.
કાનજી સિંહ બાઈક પર પાછળ બેઠો હતો
કાનજી સિંહ રાજપુત રાજસ્થાનથી ત્રણ દિવસ પહેલા જ કાપડ ખરીદવા માટે સુરત આવ્યો હતો. સુરતમાં કાનજી સિંહ બાઇક પર પાછળ બેસીને જઈ રહ્યો હતો, આ દરમિયાન જ તેને છાતીમાં દુખાવો થયો હતો. હાર્ટ એટેક બાદ યુવકને બેભાન અવસ્થામાં હોસ્પિટલમાં લઈ જવાયો હતો. પીએમ બાદ યુવકનું સિવિયર હાર્ટ અટેકના કારણે મોત થયાનો ખુલાસો થયો હતો.
