ગુજરાતમાં રાજ્યસભાની 3 સીટો માટે યોજાનારી ચૂંટણીની તારીખની જાહેરાત કરવામાં આવી છે. રાજ્યસભાની 3 સીટો માટે 24 જુલાઈએ ચૂંટણી યોજાશે. જે માટે કેન્દ્રીય ચૂંટણી પંચ 06 જુલાઈએ જાહેરનામું બહાર પાડશે. ચૂંટણી લડવા માંગતા ઉમેદવારોએ માટે 13મી જુલાઈ ચૂંટણી ફોર્મ ભરવાનું રહેશે. 13મી જુલાઈ ચૂંટણી ફોર્મ ભરવાની છેલ્લી તારીખ છે. આ ચૂંટણીનું પરિણામ 24 જુલાઈએ સાંજે 5 વાગ્યે જાહેર કરવામાં આવશે. 

વિદેશ પ્રધાન એસ જયશંકર રીપિટ થશે?

ગુજરાતમાંથી વિદેશ પ્રધાન એસ જયશંકર રીપિટ થઈ શકે છે. જ્યારે ગુજરાતની અન્ય 2 બેઠક પર ભાજપ નવા ઉમેદવાર મુકે તેવી શક્યતા છે. જો કે આ વખતે જુગલજી ઠાકોર, દિનેશ અનાવડીયાને ફરી તક મળવાની શક્યતા ઓછી જણાઈ રહી છે, તેમના સ્થાને નવો ચહેરો આવી શકે છે.

ત્રણેય બેઠકો ભાજપ જીતશે

અત્રે ઉલ્લેખનિય છે કે, ગુજરાત ઉપરાંત ગોવા, પશ્ચિમ બંગાળની રાજ્યસભાની 10 બેઠકો માટે ચૂંટણી કાર્યક્રમ જાહેર થયો છે. ગુજરાત વિધાનસભામાં ભાજપના 156 ધારાસભ્યોની મજબુત હાજરી જોતા ભાજપના ફાળે રાજ્યસભાની ત્રણેય બેઠકો બિનહરીફ જાય તેવી સંપુર્ણ શક્યતા છે.