ગુજરાત વિધાનસભાની ચૂંટણી નજીક છે ત્યારે અનેક પક્ષોમાં અવનવા પરિવર્તન જોવા મળશે. નેતાઓના નિવેદનો ચૂંટણી નજીક આવતા તીખા થતા જઈ રહ્યા છે ત્યારે આમ આદમી પાર્ટીના રાષ્ટ્રીય સંયોજક ઈસુદાન ગઢવીએ ટ્વીટ કરીને ગુજરાતના રાજકારણમાં ભડકો કર્યો છે. 

કોંગ્રેસના નેતા આમ આદમી પાર્ટીમાં જોડાશે

આમ આદમી પાર્ટીના રાષ્ટ્રીય સંયોજક ઈસુદાન ગઢવીએ ટ્વીટ કરીને લખ્યું હતું કે, ગુજરાત પ્રદેશ કોંગ્રેસના અનેક નેતાઓ ટૂંક સમયમાં આમ આદમી પાર્ટીમાં જોડાશે. 

ગુજરાતમાં ચૂંટણી પહેલા આયારામ ગયારામનો સમય નજીક આવી ગયો છે. ભાજપ અને કોંગ્રેસથી નારાજ નેતાઓ અને ભાજપની નો રિપીટ થિયરીના કારણે તક ન મળે તેવા નેતાઓ અને તકસાધુઓ આમ આદમી પાર્ટીનું ઝાડું પકડી રહ્યા છે ત્યારે ઈસુદાન ગઢવીનું ટ્વીટ આવી રહ્યું છે કે કોંગ્રેસના નેતાઓ આમ આદમી પાર્ટીમાં જોડાશે. હવે કોણ જોડાશે તે જોવાનું રહેશે અને કોંગ્રેસના નેતાઓના આપમાં જોડાવાથી ગુજરાતના રાજકારણમાં કેટલો ફેરફાર થશે તે જોવાનું રહેશે.