યુવતીઓ હાથમાં સલ્ફાસની ગોળીઓ છે. ઉપરાંત, તે વીડિયોમાં બાય-બાય કરતી જોવા મળી રહી છે. વીડિયોમાં જોઈ શકાય છે કે આત્મહત્યા કરતા પહેલા ત્રણેય યુવતીઓ ખુશ જોવા મળે છે 

મધ્યપ્રદેશના સિહોરના ત્રણ વિધાર્થીની સ્કૂલમાંથી બંક કરીને ઈન્દોર પહોંચી હતી અને ત્રણેયએ ત્યાં ઝેર પી લીધું હતું. ત્રણેય છોકરીઓ ધોરણ 12ની વિદ્યાર્થીની હતી. ઝેર પી લીધા બાદ ત્રણેય વિદ્યાર્થીનીને હોસ્પિટલમાં દાખલ કરવામાં આવી હતી. બે વિદ્યાર્થીનીનું સારવાર દરમિયાન મોત નીપજ્યું હતું. એકની હાલત અત્યંત ગંભીર છે. ત્રણેય વિદ્યાર્થીનીએ આત્મહત્યા કરતા પહેલા તેનો વીડિયો બનાવ્યો હતો. આ વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે ત્રણેય વિદ્યાર્થીનીઓ હાથમાં ડઝનેક સલ્ફાસની ગોળીઓ લઈ રહી છે. ઉપરાંત, તે વીડિયોમાં બાય-બાય કરતી જોવા મળી રહી છે. વીડિયોમાં જોઈ શકાય છે કે આત્મહત્યા કરતા પહેલા ત્રણેય વિદ્યાર્થીનીઓ હસતી જોવા મળે છે.

શું છે સમગ્ર મામલો

પોલીસે જણાવ્યું કે ત્રણેય મિત્રો સિહોરના અષ્ટાના રહેવાસી છે. ત્રણેયે ઈન્દોરના એક પાર્કમાં ઝેરી દવા ખાદી હતી. ત્રણેય વિદ્યાર્થીનીઓ શુક્રવારે બસ દ્વારા ઈન્દોર પહોંચી હતી. પોલીસે જણાવ્યું કે ત્રણમાંથી પાયલ અને પૂજાનું મોત થઈ ગયું છે. સાથે જ આરતીની હાલત અત્યંત ગંભીર છે.

મિત્ર ન આવ્યો તો ઝેર ખાઈ લીધું

આષ્ટાની મોડલ સ્કૂલમાં અભ્યાસ કરતી ત્રણેય વિદ્યાર્થીની ઈન્દોર પહોંચી હતી. જ્યાં પાયલ તેના મિત્ર રોહિતને મળવા આવી હતી. પાર્કમાં પહોંચ્યા બાદ પાયલે રોહિતને મળવા બોલાવ્યો હતો પરંતુ રોહિત તેને મળવા આવ્યો ન હતો અને તેણે ઘરે પરત ફરવાનું કહ્યું હતું. આ બાબતે પાયલ અને રોહિત વચ્ચે ઝઘડો થયો હતો. ઝઘડાથી નારાજ પાયલે ઝેર પી લીધું હતું.

બીજી તરફ, પૂજા નામની વિદ્યાર્થીની તેના પરિવારના મતભેદથી નારાજ હતી. જ્યારે તેણે તેની મિત્રને ઝેર પીતા જોઈ ત્યારે તેણે પણ ઝેર પી લીધું. આરતી તેના બે મિત્રોને ઝેર ખાતા જોઈને ડરી ગઈ. આરતીએ વિચાર્યું કે ઘરે જઈને શું જવાબ આપીશ. આનાથી ડરીને આરતીએ પણ ઝેર પી લીધું હતું. જણાવી દઈએ કે પૂજા અને પાયલનું સારવાર દરમિયાન મોત થયું હતું. સાથે જ આરતીની હાલત અત્યંત ગંભીર હોવાનું કહેવાય છે.