.jpg "The News Reporter")
રાજ્યમાં પવિત્ર દશેરાના તહેવારની ઉજવણી ચાલી રહી છે ત્યારે સુરતમાં ફરી એક વખત લિફ્ટ તૂટી પડવાના માઠા સમાચાર આવ્યા છે. સુરતના ભટાર ખાતે શાંતિવન મિલમાં લિફ્ટ તૂટી પડતા 1 મજૂરનું મોત અને 9 મજૂરો ઘાયલ થયા છે. 8 ઈજાગ્રસ્તોની સ્થિતિ ગંભીર છે. અત્યારે તમામ ઈજાગ્રસ્તોને સારવાર હેઠળ ખસેડવામાં આવ્યા છે. ઇજાગ્રસ્તોમાંથી કેટલાકની કમર તૂટી છે તો કેટલાકના પગ ફેક્ચર થયા છે.
15 દિવસ અગાઉ જ સુરતમાં લિફ્ટ તૂટવાની ઘટના બની હતી
અત્રે ઉલ્લેખનિય છે કે હજુ 15 દિવસ અગાઉ જ સુરતના પાંડેસરા નજીક વડોદ ગામમાં સ્થિત પ્લેટિનિયમ કોમ્પ્લેક્સમાં કોમર્શિયલ લિફ્ટ તૂટવાની ઘટના બની હતી. જેમાં 2 લોકોના મોત નિપજ્યા હતા. આ પ્રકારની ઘટના શા માટે સર્જાય છે અને તેના માટે ખરેખર કોને જવાબદાર ઠેરવવા તે મોટો પ્રશ્ન છે. જો કે આવી ઘટનાઓ ક્યારેય ચલાવી ન શકાય નહીં.
