સમગ્ર રાજ્યમાં તેમજ દેશમાં ઠંડીનો ચમકારો અનુભવાઈ રહ્યો છે. રાજ્યના અનેક જિલ્લાઓમાં તેમજ શહેરોમાં હાડકા થીજવી દે તેવી ઠંડી અનુભવાઈ રહી છે. છેલ્લા ત્રણ-ચાર દિવસથી તાપમાનનો પારો સતત ગગડી રહ્યો છે. ભારે પવનને કારણે ઠંડીનો અહેસાસ વધારે થતો હતો. પરંતુ કાલથી પવન ઓછો વહી રહ્યો છે અને ઠંડીમાં પણ રાહત અનુભવાઈ રહી છે. પરંતુ ફરી એક વખત ઠંડીનો રાઉન્ડ 15 જાન્યુઆરી આસપાસ અનુભવાશે. 

હાલ ઓછી ઠંડીનો થઈ રહ્યો છે અનુભવ 

ઉત્તરભારતમાં સતત ઠંડી વધી રહી છે. ઠંડા પવનને કારણે તાપમાન ગગડી રહ્યું છે.  ઉત્તરભારતના રાજ્યોમાં ઠંડી વધતા ગુજરાતમાં પણ શીતલહેરનો અનુભવ થઈ રહ્યો છે. છેલ્લા અનેક દિવસોથી ભારે પવન વહી રહ્યો છે તેમજ ઠંડીનો ચમકારો પણ જોવા મળી રહ્યો છે. ત્યારે આવનાર દિવસોમાં ઠંડીથી રાહત મળી શકે છે. ઠંડીનો ચમકારો ઓછો થઈ શકે છે.

ઉત્તરાયણ સમયે મળશે પવનનો સાથ  

દિલ્હી, પંજાબ, હરિયાણા, જમ્મુ-કાશ્મીર સહિતના રાજ્યોમાં કડકડતી ઠંડીનો અનુભવ થઈ રહ્યો છે. તાપમાનનો પારો સતત ગગડી રહ્યો છે. ઠંડી હવા ફૂંકાતા ઠંડીનો અનુભવ થઈ રહ્યો છે. ઉત્તરભારતમાં ઠંડીનું પ્રમાણ વધતા ગુજરાતમાં પણ ઠંડીનો અહેસાસ થઈ રહ્યો છે. રાજ્યના અનેક શહેરોમાં તાપમાનમાં ઘટાડો નોંધાયો હતો. ત્યારે આવનાર દિવસોમાં હવામાનમાં પલટો આવી શકે છે. થોડા દિવસો માટે ઠંડીથી રાહત મળવાની સંભાવના છે પરંતુ ઉત્તરાયણ સમયે ફરી એક વખત કડકડતી ઠંડીનો અહેસાસ થઈ શકે છે. 14 જાન્યુઆરીએ ઠંડો પવન ફૂંકાશે અને ઠંડીનું પ્રમાણ વધશે. ઠંડીની સાથે સાથે રાજ્યના અનેક શહેરોમાં કમોસમી વરસાદની પણ આગાહી કરવામાં આવી છે. અનેક જગ્યાઓ પર વાદળછાયું વાતાવરણ રહેશે.