ગોંડલમાં આમ આદમી પાર્ટીના નેતા જિગીષા પટેલ પર હુમલો થયો હતો જેના કારણે , ત્યાંના રાજકીય વાતાવરણમાં ગરમાવો આવી ગયો હતો. આ પછી ગોંડલની પોલીસ દ્વારા જિગીષા પટેલ પર હુમલો કરનાર બે મહિલાની ધરપકડ કરવામાં આવી છે . આ ઉપરાંત , પોલીસ દ્વારા અન્ય આરોપીઓને ઝડપી પાડવા માટે ચક્રો ગતિમાન કરવામાં આવ્યા છે. 

ગોંડલમાં પાટીદાર આગેવાન જિગીષા પટેલ પર હુમલો કરનાર બે મહિલાઓની ધરપકડ કરવામાં આવી છે. ગોંડલ સીટી પોલીસ મથકે ૫ મહિલાઓ સહીત ૯ વ્યક્તિની સામે ફરિયાદ નોંધાઈ હતી. હવે મુખ્ય બે મહિલા આરોપીઓને પોલીસ દ્વારા ઝડપી પાડવામાં આવ્યા છે. તેમાંથી એકનું નામ છે , ક્રિષ્ના રાવલ તેમજ યોગિતા ઉર્ફે દ્રષ્ટિ વિંઝુડાની ધરપકડ પોલીસ દ્વારા કરવામાં આવી છે. ત્યારબાદ પોલીસ દ્વારા આ હુમલામાં સંડોવાયેલ અન્ય આરોપીઓને ઝડપી પાડવા માટે ચક્રો ગતિમાન કરવામાં આવ્યા છે. આપના નેતા જિગીષા પટેલ પર થોડાક સમય અગાઉ હુમલો થતા ચકચારી મચી ગઈ છે . જયારે તેઓ ગોંડલના ભગવતપરા વિસ્તાર પાસે સરગમ પાર્ક કે જે ઘોઘાવદર રોડ પર આવેલું છે ત્યાં , પાણી અને રસ્તાના પ્રશને મુલાકાતે ગયા હતા.  તેઓ જેવા જ  સ્થળ પર પહોંચ્યા ત્યારે જ એક મહિલા દ્વારા જિગીષા પટેલની ગાડી પર પથ્થમારો કરવામાં આવ્યો હતો. તેમની ગાડીને તો નુકશાન થયું છે જ સાથે જ જિગીષા પટેલ પણ ઈજાગ્રસ્ત થયા હતા . આ પછી જિગીષા પટેલને ગોંડલની સિવિલ હોસ્પિટલ ખાતે ખસેડવામાં આવ્યા હતા. જ્યાં પછી , પોલીસ દ્વારા જિગીષા પટેલનું નિવેદન પણ નોંધવામાં આવ્યું હતું. 

પોલીસની આ કાર્યવાહી ખુબ દબાણ પછી સામે આવી છે. જિગીષા પટેલ પર હુમલાનો મુદ્દો વિધાનસભામાં પણ ગુંજ્યો હતો. વિસાવદરના MLA ગોપાલ ઇટાલિયા અને દેદિયાપાડાના MLA ચૈતર વસાવા દ્વારા જિગીષા પટેલ પર જે હુમલો થયો તેને સખત શબ્દોમાં વખોડી નાખવામાં આવ્યો હતો. ગોપાલ ઇટાલિયાએ આ સમગ્ર મુદ્દે , મુખ્યમંત્રી ભુપેન્દ્ર પટેલને મળીને રજુઆત કરવાની વાત પણ કરી હતી. આ પછી ,લાંબા સમય પછી ગોંડલ પોલીસ દ્વારા ૯ની સામે FIR નોંધવામાં આવી હતી. અને આજે , બે મહિલા ક્રિષ્ના રાવલ તેમજ યોગિતા ઉર્ફે દ્રષ્ટિ વિંઝુડાની ધરપકડ કરવામાં આવી છે.