ઉત્તરભારતના અનેક રાજ્યોમાં ઠંડીનો ચમકારો જોવા મળી રહ્યો છે. અનેક રાજ્યોમાં કડકડતી ઠંડી પડી રહી છે. ગુજરાતમાં અનેક દિવસના વિરામ બાદ ઠંડીનો સેકન્ડ રાઉન્ડ શરૂ થઈ ગયો છે. ગુજરાતમાં પણ શીતલહેરનો અનુભવ થઈ રહ્યો છે. ઠંડો પવન ફૂંકાઈ રહ્યો છે. જેને કારણે તાપમાનનો પારો ગગડી રહ્યો છે. પવનને કારણે પતંગરસિયાઓને મોજ પડવાની છે.

પવનનો સાથ મળતા પતંગ રસિયાઓને પડશે મોજ 

સમગ્ર રાજ્યમાં મકરસંક્રાંતિની ઉજવણી થઈ રહી છે. લોકો વહેલી સવારથી પતંગ ચગાવવા પહોંચી ગયા છે. રાજ્યમાં થોડા દિવસોથી ઓછી ઠંડી પડી રહી હતી પરંતુ ફરી એક વખત કડકડતી ઠંડીનો અહેસાસ થવાની શરૂઆત થઈ ગઈ છે. પતંગ ઉડાવતી વખતે પવનનો સાથ હોવો જરૂરી છે. જો પવન ન હોય તો લોકોને પતંગ ચગાવવાની મજા આવતી નથી. ત્યારે આ ઉત્તરાયણમાં પવનનો સારો સાથ મળશે. 

આવનાર દિવસોમાં ઠંડીનું વધશે પ્રમાણ 

હવામાન વિભાગની આગાહી પ્રમાણે આવનાર સમયમાં ઠંડીનો ચમકારો વધી શકે છે. તાપમાનનો પારો હજી પણ ગગડી શકે છે. અનેક શહેરોમાં ઠંડો પવન વહી રહ્યો છે. પવન સારો હોવાને કારણે પતંગ ચગાવવાની મજા આવશે. આગાહી પ્રમાણે આજે આખો દિવસ સારો પવન રહેશે. પવનની સાથે સાથે ઠંડીનો ચમકારો પણ જોવા મળશે. કચ્છમાં કોલ્ડ વેવની આગાહી કરવામાં આવી છે. 

અંબાલાલ પટેલે પણ ઠંડીને લઈ કરી છે આગાહી 

આવનાર સમયમાં ઠંડીનું પ્રમાણ વધી શકે છે તેવી આગાહી કરવામાં આવી છે. નલિયામાં તાપમનાનનો પારો ઘટી ગયો જેને કારણે ત્યાં ઠંડીનો અનુભવ થઈ રહ્યો છે. અંબાલાલ પટેલે પણ ઠંડીને લઈ આગાહી કરી હતી. જે મુજબ હાડકા થીજવી દે તેવી ઠંડી પડવાની છે. રાજ્યના તમામ શહેરોના તાપમાનની વાત કરીએ તો પારો 10 ડિગ્રીની આસપાસ રહેશે.