રેલવે સ્ટેશન પર મુસાફરોને સુવિધા મળે તે માટે મોટી મોટી સ્ક્રીન પર ટ્રેન અંગેની, પ્લેટફોર્મ અંગેની જાણકારી આપવામાં આવતી હોય છે. પરંતુ અનેક વખત રેલવે સ્ટેશનો પર રાખવામાં આવતા બિલબોર્ડ પર એવી વસ્તુઓ ડિસ્પ્લે થઈ જતી હોય છે જે વિવાદનો મુદ્દો બની જતો હોય છે. થોડા સમય પહેલા બિહારના રેલવે સ્ટેશન પર પોર્ન વીડિયો ચાલ્યો હતો ત્યારે બિહારના ભાગલપુર રેલવે સ્ટેશન પર એક એવો આપત્તિજનક મેસેજ ડિસ્પ્લે થયો જે ચર્ચાનો વિષય બની ગયો. 

સ્ક્રીન પર ડિસ્પ્લે થયો આપત્તિજનક મેસેજ! 

રેલવે સ્ટેશન પર સામાન્ય રીતે મોટી સ્કીન રાખવામાં આવતી હોય છે જેમાં ટ્રેનના સમય, કયા પ્લેટફોર્મ પર આવશે સહિતની વિગતો આપવામાં આવતી હોય છે. ત્યારે બિહારના ભાગલપુર રેલવે સ્ટેશન પર એક એવી વસ્તુ સ્ક્રીન પર ચાલી ગઈ કે આપત્તિજનક હતી.ભાગલપુર રેલવે સ્ટેશન પરિસરમાં લાગેલા એક સ્ક્રીન પર આપત્તિજનક મેસેજ ડિસ્પ્લે થઈ ગયો કે જેનો મતલબ થતો હતો સેક્સ વર્કર માટે અહીં સંપર્ક કરો. મળતી માહિતી અનુસાર આ મેસેજ લગભગ પાંચથી દસ મિનીટ સુધી ડિસ્પ્લે થયો હતો. 

આ ઘટના અંગે કરવામાં આવશે કાર્યવાહી! 

આ ઘટનાની જાણ થતા પોલીસ ત્યાં આવી પહોંચી હતી. એસડીઓ ધનંજય કુમાર અને ડીએસપી કુમાર ચૌધરી ત્યાં આવી પહોંચ્યા હતા. તેમણે કહ્યું કે ટેક્નિકલ ખામીને કારણે આવી  ઘટના સર્જાઈ હતી. સ્ક્રીન પર જે મેસેજ ફ્લેશ થયો તેની ચકાસણી કરવામાં આવી રહી છે. જે કોઈ પણ આ હરકત માટે જવાબદાર હશે તેની વિરૂદ્ધ કાયેદેસરની કાર્યવાહી કરવામાં આવશે તેવી વાત કરવામાં આવી હતી. 

પટના રેલવે સ્ટેશન પર ચાલ્યો હતો પોર્ન વીડિયો!

ઉલ્લેખનીય છે કે થોડા સમય પહેલા બિહારના એક રેલવે સ્ટેશન પર પોર્ન વીડિયો ચાલ્યો હતો. પટના જંક્શનના એક પ્લેટફોર્મ પર અચાનક પોર્ન વીડિયો શરૂ થઈ ગયો હતો. એ વીડિયો સેકેન્ડો સુધી નહીં પરંતુ મીનિટો સુધી ચાલ્યો હતો. મળતી માહિતી અનુસાર આ મામલે કાર્યવાહી કરવામાં આવી હતી.