ગુજરાતમાં દારૂબંધીના સર્વત્ર લિરેલીરા ઉડી રહ્યા છે. રાજ્યમાં ખુલ્લેઆમ દારૂનું વેચાણ થઈ રહ્યું છે. ગુજરાતનું યુવાધન દારૂના રવાડે ચડી તેમની જિંદગી બરબાદ કરી રહ્યું છે. જો કે આવે સ્કૂલમાં જતા ભૂલકાઓ પણ દારૂના બંધાણી થતા જાય છે. વડોદરાની એક સ્કૂલના ધોરણ-7ના ચાર વિદ્યાર્થી પાસેથી દારૂની બોટલ અને સિગારેટસ મળતા ચકચાર મચી ગઈ છે.

શું હતી સમગ્ર ઘટના?

સંસ્કારી નગરી વડોદરાના સાવલી રોડ પર આવેલી એક સ્કૂલમાં 4 વિદ્યાર્થીઓ પાસેથી દારૂની બોટલ અને સિગરેટ મળી આવતા અંધાધુંધી ફેલાઈ છે. સમાં સાવલી રોડ પર આવેલી અંબે સ્કૂલમાં ધોરણ સાતના 4 વિદ્યાર્થીઓ પાસેથી દારૂની બોટલ અને સિગારેટ મળી આવ્યા હતા. વડોદરાની આ ઘટના માત્ર સ્થાનિક જ નહીં પણ સમગ્ર ગુજરાના વાલીઓ માટે લાલ બત્તી સમાન કિસ્સો છે.

સ્કૂલમાં દારૂ અને સિગારેટ ક્યાંથી આવી?

ધ્રુજાવી દે તેવી આ સમગ્ર ઘટનાની જાણ વાલીઓ સુધી પહોંચતા તેમણે સ્કૂલ મેનેજમેન્ટને વિદ્યાર્થીઓ સામે કાર્યવાહી કરવા રજૂઆત કરી હતી. અંબે સ્કૂલના સંચાલકોએ ચારેય વિદ્યાર્થીઓને સસ્પેન્ડ કર્યા હોવાની વાત સામે આવી રહી છે. વિદ્યાર્થીઓ શાળામાં દારૂ અને સિગરેટ કેવી રીતે લાવ્યા અને શું તે લોકો જ દારૂ અને સિગરેટનો નશો કરતા હતા તે મામલે પણ તપાસ હાથ ધરાઇ છે. જો કે શાળાએ આ મામલે સત્તાવાર જાણકારી મળી.