આજે 21 જૂનના રોજ વિશ્વ યોગ દિવસ છે, વિશ્વ યોગ દિવસની રાજ્ય કક્ષાની ઉજવણી સુરત શહેરમાં થઈ હતી. આ ઉજવણીમાં 1.50 લાખથી વધુ નાગરિકો યોગાભ્યાસમાં જોડાઈ ગિનીઝ વર્લ્ડ રેકોર્ડ સર્જ્યો હતો. આ મહત્વના કાર્યક્રમમાં રાજ્યના મુખ્યમંત્રી ભૂપેન્દ્ર પટેલ, પ્રદેશ પ્રમુખ સી.આર પાટીલ ઉપરાંત રાજ્ય કક્ષા મંત્રી હર્ષ સંઘવી, મુકેશ પટેલ તથા પાર્ટીના અગ્રણી નેતાઓ ઉપસ્થિત રહ્યા હતા. તેમણે સમુહમાં યોગાભ્યાસ કર્યો હતો. તે જ પ્રકારે ભાજપ સરકારના અન્ય મંત્રીઓ તથા કોંગ્રેસના નવા પ્રદેશ પ્રમુખ શક્તિ સિંહ ગોહિલે પણ યોગાસનો કરી વિશ્વ યોગ દિવસ મનાવ્યો હતો. રાજ્યના રાજ્યપાલ આચાર્ય દેવવ્રતે પણ સમુહમાં યોગાઅભ્યાસ કર્યો હતો.