.jpg "The News Reporter")
બિપોરજોય વાવાઝોડાની અસર ન માત્ર ગુજરાત પર થઈ રહી છે પરંતુ પાકિસ્તાન પર પણ થવાની છે. જેમ અહિંયા રિપોર્ટર દ્વારા સતત અપડેટ આપવામાં આવી રહી છે તેમ પાકિસ્તાન મીડિયા દ્વારા પણ વાવાઝોડાને લઈ અપડેટ આપવામાં આવી રહી છે. ત્યારે પાકિસ્તાનના એક રિપોર્ટરનો વીડિયો સામે આવ્યો છે જે ખૂબ વાયરલ થઈ રહ્યો છે. વાવાઝોડાના કવરેજ દરમિયાન તે અચાનક દરિયામાં કૂદી પડે છે. પાણીમાં કુદીને તે બતાવે છે કે પાણી કેટલું ઉંડુ છે અને કેટલું નીચું છે. આ વીડિયો જોઈને દર્શકો હસી હસીને લોતપોત થઈ જશે.
પાકિસ્તાની રિપોર્ટરનો વીડિયો થઈ રહ્યો છે વાયરલ!
સોશિયલ મીડિયા પર એક પાકિસ્તાની રિપોર્ટરનો વીડિયો વાયરલ થઈ રહ્યો છે જેને લોકો ચાંદ નવાબ પાર્ટ 2 ગણાવી રહ્યા છે. થોડા વર્ષો પહેલા આવેલી ફિલ્મમાં પાકિસ્તાની રિપોર્ટર ચાંદ નવાબે જે પ્રકારે રિપોર્ટિંગ કર્યું હતું તે જ પ્રમાણે આ રિપોર્ટિંગ સ્ટાઈલને લોકો ગણી રહ્યા છે. બિપોરજોયનું સંકટ ન માત્ર ગુજરાત પર પરંતુ પાકિસ્તાનમાં પણ તોળાઈ રહ્યું છે. જેટલો ખતરો ગુજરાત પર છે તેટલો જ સંકટ પાકિસ્તાન પર પણ છે. જેમ અહિંયા રિપોર્ટરો દ્વારા વાવાઝોડાની અપડેટ આપવામાં આવી રહી છે તેમ ત્યાંના રિપોર્ટરો પણ સતત અપડેટ આપી રહ્યા છે. ત્યારે સોશિયલ મીડિયા પર એક પાકિસ્તાની રિપોર્ટરની રિપોર્ટીંગ સ્ટાઈલનો વીડિયો ખૂબ વાયરલ થઈ રહ્યો છે.
લોકોને ખૂબ પસંદ આવી રહી છે રિપોર્ટિંગ સ્ટાઈલ!
જે વીડિયો વાયરલ થઈ રહ્યો છે તેમાં પત્રકાર પોતાનું નામ અબ્દુર રહેમાન જણાવી રહ્યા છે. વીડિયોમાં રિપોર્ટર એમ કહેતા સાંભળી શકાય છે કે આજે પણ સમુદ્ર કેવો છે તે અમારો કેમેરામેન તમને દેખાડશે કે કેવી રીતે માછીમારોએ પોતાની બોટને કિનારા પર લાવી દીધી છે. હું તમને પાણીમાં કૂદીને બતાવીશ કે પાણી કેટલું ઊંડુ છે અને આમ કહેતા કહેતા પત્રકાર અચાનક ડુબકી મારે છે અને પાણીમાંથી વાવાઝોડાની અપડેટ આપવાની શરૂ કરી દે છે. રિપોર્ટની આ રિપોર્ટિંગ સ્ટાઈલને લોકો જોવાનું પસંદ કરી રહ્યા છે. સોશિયલ મીડિયા પર આ વીડિયો ખૂબ વાયરલ થઈ રહ્યો છે. ત્યારે તમે વાયરલ વીડિયો વિશે શું કહેશો?
