ગુજરાતમાં દારૂબંધી છે પંરતુ માત્ર કાગળ પર તે વાત આપણે સૌ જાણીએ છીએ. અવારનવાર એવા અનેક કિસ્સાઓ સામે આવતા હોય છે જેને લઈ આપણને થાય કે ગુજરાતમાં દારૂબંધી માત્ર નામની છે. ગુજરાતને ડ્રાય સ્ટેટ કહેવામાં આવે ત્યારે જે કિસ્સાઓ સામે આવતા હોય છે તે યાદ આવે છે. ત્યારે વધુ એક કિસ્સો દાહોદથી સામે આવ્યો છે જેમાં કોન્સ્ટેબલ ખુદ નશાની હાલતમાં દેખાયા હતા. નશાની હાલતમાં તો હતા જ પરંતુ તેમણે બે રાઉન્ડ ફાયરિંગ પણ કર્યું હતું, જેને કારણે અફરા-તફરીનો માહોલ સર્જાયો હતો. 

દારૂબંધી હોવા છતાંય અનેક લોકો દેખાય છે નશાની હાલતમાં 

આપણા રાજ્યને ડ્રાય સ્ટેટ કહેવામાં આવી છે. ડ્રાય સ્ટેટ એટલે એ જગ્ચા જ્યાં દારૂ નથી મળતું, દારૂ વેચવા પર પ્રતિબંધ હોય છે. પરંતુ ગુજરાતમાં કેટલું દારૂ વેચાય છે તે વાસ્તવિક્તા આપણને ખબર છે. અવાર-નવાર સમાચાર સામે આવતા હોય છે જેમાં ખબર પડે છે કે દારૂબંધીની કરી વાસ્તવિક્તા શું છે. દારૂબંધી હોવા છતાંય અનેક લોકો જાહેરમાં દારૂ પીને આવતા હોય છે. 

નશાની હાલતમાં પોલીસકર્મીએ કર્યું બે રાઉન્ડ ફાયરિંગ 

થોડા સમય પહેલા એક કિસ્સો સામે આવ્યો હતો જેમાં શિક્ષક નશાની હાલતમાં શાળાએ પહોંચ્યા હતા. પોલીસકર્મીઓ પણ નશાની અવસ્થામાં દેખાતા હોય છે. ત્યારે વધુ એક કિસ્સો દાહોદથી સામે આવ્યો છે જેમાં નશામાં તરબોળ કોન્સ્ટેબલ ઝડપાયો હતો. ચીક્કાર દારૂ પીને પોલીસ કોન્સ્ટેબલે બે રાઉન્ડ ફાયરિંગ પણ કર્યું હતું. મળતી માહિતી અનુસાર પોલીસકર્મી વિરૂદ્ધ કેસ દાખલ કરવામાં આવ્યો છે પોલીસે આ અંગે વધુ તપાસ હાથ ધરી છે. મહત્વનું છે જે પોલીસકર્મીએ હવામાં ફાયરિંગ કર્યું છે તે દાદોહમાં કલેક્ટર કચેરીના ઈવીએમ વેર હાઉસના કમ્પાઉન્ડમાં ફરજ નિભાવતા હતા અને ફરજ પૂર્ણ કરી તે પરત ફરી રહ્યા હતા. 

દારૂની હેરફેર કરતા ઝડપાયા હતા પોલીસકોન્સ્ટેબલ 

મહત્વનું છે કે કાયદાનું પાલન કરાવવાની જવાબદારી પોલીસની હોય છે. રાજ્યમાં કાયદાનું પાલન થાય તે માટે પોલીસને રાખવામાં આવતી હોય છે. પરંતુ જ્યારે કાયદાનું પાલન કરનાર જ કાયદાને તોડે ત્યારે? પોલીસ વિભાગમાંથી આવા અનેક કિસ્સાઓ સામે આવતા રહે છે જે પોલીસની છબીને બગાડી દેતા હોય છે. ગઈકાલે પણ એક કિસ્સો સામે આવ્યો હતો જેમાં પોલીસ દારૂની હેરાફેરી કરતા પકડાયા હતા. સુરતના વાવ એસઆરપી કેમ્પના પોલીસ કોન્સ્ટેબલ દારૂની હેરાફેરી કરતા પકડાયા હતા. બાતમીના આધારે દારૂની હેરાફેરી કરતા પોલીસ કોન્સ્ટેબલને પકડી લેવામાં આવ્યા હતા. કમાણીની લાલચમાં કોન્સ્ટેબલ બુટલેગર બન્યા હતા.